ആലപ്പുഴ പുന്നപ്രയിൽ ബൈക്കും ലോറിയും കൂട്ടിയിടിച്ച് അപകടം; ലോറിയുടെ ടയര്‍ ശരീരത്തിലൂടെ കയറിയിറങ്ങി വിദ്യാര്‍ത്ഥിയ്ക്ക് ദാരുണാന്ത്യം

സ്വന്തം ലേഖകൻ.

ആലപ്പുഴ: ആലപ്പുഴ പുന്നപ്രയിൽ ബൈക്കും ലോറിയും കൂട്ടിയിടിച്ചുണ്ടായ അപകടത്തിൽ ഐ.റ്റി.സി. വിദ്യാര്‍ത്ഥിയ്ക്ക് ദാരുണാന്ത്യം. നീര്‍കുന്നം സ്വദേശി അഭിഷേക്(19) ആണ് മരിച്ചത്.

ഇന്ന് രാവിലെ 9.30. ഓടെ പുന്നപ്ര അറവുകാടാണ് അപകടം നടന്നത്. അഭിഷേകിന്റെ ശരീരത്തിലൂടെ ലോറിയുടെ ടയര്‍ കയറിയിറങ്ങുകയായിരുന്നു.

അഭിഷേക് സഞ്ചരിച്ച ബൈക്ക് മറ്റൊരു വാഹനത്തില്‍ തട്ടിയ ശേഷം ലോറിയിൽ ഇടിക്കുകയായിരുന്നുവെന്ന് നാട്ടുകാർ പറയുന്നു.