![സംസ്ഥാനത്ത് കോവിഡ് അതിതീവ്ര വ്യാപനം: മാനദണ്ഡങ്ങള് പാലിക്കാത്തവര്ക്കെതിരെ കര്ശന നടപടിയെന്ന് മന്ത്രി വീണാ ജോര്ജ് സംസ്ഥാനത്ത് കോവിഡ് അതിതീവ്ര വ്യാപനം: മാനദണ്ഡങ്ങള് പാലിക്കാത്തവര്ക്കെതിരെ കര്ശന നടപടിയെന്ന് മന്ത്രി വീണാ ജോര്ജ്](https://i0.wp.com/thirdeyenewslive.com/storage/2022/01/n3515855641642593282113db1d3aef821ed4bfb13b4fe50f6a32d4c3989779cf272f54c3751b00c94209f7.jpg?fit=800%2C420&ssl=1)
സംസ്ഥാനത്ത് കോവിഡ് അതിതീവ്ര വ്യാപനം: മാനദണ്ഡങ്ങള് പാലിക്കാത്തവര്ക്കെതിരെ കര്ശന നടപടിയെന്ന് മന്ത്രി വീണാ ജോര്ജ്
സ്വന്തം ലേഖകൻ
തിരുവനന്തപുരം: സംസ്ഥാനത്ത് കോവിഡ് അതിതീവ്ര വ്യാപനമാണെന്നും കോവിഡ് മാനദണ്ഡങ്ങള് പാലിക്കാത്തവര്ക്കതിരെ കര്ശന നടപടി സ്വീകരിക്കുമെന്നും ആരോഗ്യ വകുപ്പ് മന്ത്രി വീണാ ജോര്ജ്.
ഒന്നും രണ്ടും തരംഗത്തില് നിന്നും വിഭിന്നമായി കോവിഡ് മൂന്നാം തരംഗത്തിന്റെ ആരംഭത്തില് തന്നെ വലിയ വ്യാപനമാണ് ഉണ്ടായിരിക്കുന്നത്.
Whatsapp Group 1 | Whatsapp Group 2 |Telegram Group
രണ്ടാം തരംഗത്തില് വ്യാപനം 2.68 ആയിരുന്നപ്പോള് ഇപ്പോഴത്തേത്ത് 3.12 ആണ്. ഡെല്റ്റയെക്കാള് ആറിരട്ടി വ്യാപനമാണ് ഒമിക്രോണിനുള്ളത്.
അടുത്ത മൂന്നാഴ്ച ഏറെ നിര്ണായകമാണെന്നും മന്ത്രി പറഞ്ഞു. സംസ്ഥാനത്തെ കോവിഡ് സാഹചര്യത്തെപ്പറ്റി മാധ്യമ പ്രവര്ത്തകരുമായി സംസാരിക്കുകയായിരുന്നു മന്ത്രി.
ഒന്നും രണ്ടും തരംഗങ്ങള് ഒറ്റക്കെട്ടായാണ് കേരളം നേരിട്ടത്. രാഷ്ട്രീയത്തിനതീതമായി ഒറ്റക്കെട്ടായി ഈ തരംഗത്തേയും അതിജീവിക്കണം. ഒന്നും രണ്ടും തരംഗത്തില് പരമാവധി പീക്ക് ഡിലേ ചെയ്യാനാണ് സംസ്ഥാനം ശ്രമിച്ചത്.
ഡെല്റ്റ വൈറസിനേക്കാള് അതിതീവ്ര വ്യാപന ശേഷിയുള്ള ഒമിക്രോണാണ് മൂന്നാം തരംഗത്തില് വ്യാപനം കൂട്ടുന്നത്.
ഡെല്റ്റാ വകഭേദത്തിനേക്കാള് ഒമിക്രോണിന് താരതമ്യേന ഗുരുതരാവസ്ഥ കുറവാണെങ്കിലും ജാഗ്രത കൈവിടാന് പാടില്ല.
വളരെ വേഗം പടര്ന്ന് പിടിക്കുന്നതിനാല് ആശുപത്രികളിലും ഐസിയുവിലും വെന്റിലേറ്ററുകളിലുമെത്തുന്ന രോഗികള് കൂടാന് സാധ്യതയുണ്ടെന്നും മന്ത്രി വ്യക്തമാക്കി.