നായ കുറുകെ ചാടി; നിയന്ത്രണം വിട്ട ബൈക്ക് മറിഞ്ഞ് യുവാവ് മരിച്ചു

സ്വന്തം ലേഖകൻ
തലശേരി: ബൈക്കിന് കുറുകെ നായ ചാടി നിയന്ത്രണം വിട്ട ബൈക്ക് മറിഞ്ഞ് യുവാവ് മരിച്ചു.

പന്തക്കല്‍ പന്തോ ക്കാട്ടിലെ തീയ്യനാണ്ടി ആദര്‍ശ് (22) ആണ് മരിച്ചത്.

ഇടയില്‍പീടിക – മാടപ്പീടിക റോഡില്‍ കോടിയേരി വായനശാലയ്ക്ക് സമീപം ആദര്‍ശ് ഓടിച്ചു പോകുകയായിരുന്ന ബൈക്കിന് മുന്നില്‍ തെരുവ് നായ കുറുകെ ചാടുകയായിരുന്നു.

വ്യാഴാഴ്ച്ച രാവിലെ 10 നായിരുന്നു സംഭവം. ഉടന്‍ തലശ്ശേരി ഇന്ദിരാഗാന്ധി ആസ്പത്രിയില്‍ പ്രവേശിച്ചെങ്കിലും ഗുരുതരമായതിനാല്‍ കണ്ണൂര്‍ മിംമ്സ് ആസ്പത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.

പന്തക്കലിലെ തീയ്യനാണ്ടി സദാനന്ദന്റെയും, രഞ്ജിനിയുടേയും മകനാണ്. സഹോദരി: അയന