സ്വന്തം ലേഖകന്
കോട്ടയം : കോട്ടയത്തെ സി.പി.എമ്മിന്റെ ജനകീയ നേതാവും നിയമസഭാ തെരഞ്ഞെടുപ്പില് സ്ഥാനാര്ത്ഥിയുമായിരുന്ന അഡ്വ.കെ അനില് കുമാറിന്റെ പേരില് ഫേസ് ബുക്കില് വ്യാജ അക്കൗണ്ട് നിര്മ്മിച്ച് പണം അഭ്യര്ത്ഥിച്ചു സന്ദേശങ്ങള്.
ഇന്നലെ ഉച്ചയോട കൂടിയാണ് അഡ്വ. കെ അനില് കുമാറിന്റെ അതേ പേരില് ഫേസ്ബുക്കില് വ്യാജ അക്കൗണ്ട് പ്രത്യക്ഷപ്പെട്ടത്. തുടര്ന്ന് ഫേസ്ബുക്കിലെ എല്ലാ സുഹൃത്തുക്കള്ക്കും പണം അഭ്യര്ത്ഥിച്ചു കൊണ്ട് സന്ദേശങ്ങള് ചെല്ലുകയായിരുന്നു.
Whatsapp Group 1 | Whatsapp Group 2 |Telegram Group
ഇത് ശ്രദ്ധയില്പ്പെട്ട ഉടന് തന്നെ അനില്കുമാര് തന്റെ പേരില് ഏതോ വിരുതന്മാര് വ്യാജമായി ഒരു അക്കൗണ്ട് തുടങ്ങിയിട്ടുണ്ട് എന്ന് കാണിച്ച് ഫേസ് ബുക്കില് പോസ്റ്റിംഗ് നടത്തുകയും ജില്ലാ പോലിസ് മേധാവിക്ക് പരാതി നല്കുകയും ചെയ്തു. പോലീസ് ഈ വിഷയത്തില് കേസ് എടുത്ത് അന്വേഷണം ആരംഭിച്ചു.
മീനച്ചിലാര് മീനന്തലയാര് കൊടൂരാര് പുനസംയോജന പദ്ധതിയിലൂടെ സംസ്ഥാന തലത്തില് അറിയിപ്പെടുന്ന നേതാവും ചാനല് ചര്ച്ചകളില് സിപിഎമ്മിന്റെ തിളങ്ങുന്ന മുഖവും കഴിഞ്ഞ നിയമസഭാ ഇലക്ഷനില് കോട്ടയത്ത് ഇടതുപക്ഷ സ്ഥാനാര്ത്ഥിയായി മത്സരിക്കുകയും ചെയ്ത വ്യക്തിയാണ് അഡ്വ. കെ അനില്കുമാര്.
