നൂറുകോടിയിലധികം പട്ടിണിപ്പാവങ്ങളുള്ള ഇന്ത്യയിൽ നിന്നും ഏഷ്യയിലെ ഏറ്റവും വലിയ കോടീശ്വരൻ..! സർക്കാർ സംവിധാനങ്ങളുടെ തണലിൽ വളർന്ന മുകേഷ് അംബാനി ഏഷ്യയിലെ ഏറ്റവും വലിയ സമ്പന്നനായി; കൊവിഡ് പ്രതിസന്ധിക്കാലത്തും പടർന്നു പന്തലിച്ച് അംബാനിയുടെ സമ്പത്ത്

തേർഡ് ഐ ബ്യൂറോ

മുംബൈ: നൂറ് കോടിയിലധികം പട്ടിണിപ്പാവങ്ങളുള്ള ഇന്ത്യയിൽ, നിന്നും ഏഷ്യയിലെ ഏറ്റവും വലിയ സമ്പന്നൻ..! കൊവിഡ് പ്രതിസന്ധിക്കാലത്ത് ഒരു നേരത്തെ ഭക്ഷണത്തിനായി രാജ്യത്തെ ജനങ്ങൾ ബുദ്ധിമുട്ടുന്ന കാലത്താണ് അതേ ഇന്ത്യയിലെ തന്നെ ഒരു വൻകിട കോർപ്പറേറ്റ് കോടികൾ വാരിക്കൂട്ടുന്നത്.

റിലയൻസ് ഇൻഡസ്ട്രീയുടെ തലവൻ മുകേഷ് അംബാനി വീണ്ടും ഏഷ്യയിലെ ഏറ്റവും വലിയ സമ്പന്നനായി എന്ന വാർത്തയും പുറത്തു വരുന്നത് ഇതേ കൊറോണക്കാലത്താണല്ലോ. ചൈനീസ് വ്യവസായിയായ സോങ് ഷാൻഷനിനെ പിന്നിലാക്കിയാണ് ഏഷ്യയിലെ ഏറ്റവും വലിയ ശതകോടീശ്വരന്റെ കസേര മുകേഷ് അംബാനി തിരിച്ചുപിടിച്ചിരിക്കുന്നത്. ചൈനയിലെ വലിയ കുപ്പിവെള്ള കമ്പനി ഉടമയായ സാങ് ഷാൻഷന്റെ കമ്പനിയുടെ ഓഹരികൾ കഴിഞ്ഞയാഴ്ച്ച വലിയ ഇടിവ് നേരിട്ടിരുന്നു.

ബ്ലൂംബെർഗ് ശതകോടീശ്വരൻ സൂചിക പ്രകാരം ചൈനയിലെ സോങ് ഷാൻഷാന് ഈ ആഴ്ച 22 ബില്യൺ ഡോളർ നഷ്ടമായതോടെ അംബാനി മുന്നിലെത്തുകയും ചെയ്തു.
ഏകദേശം 80 ബില്യൺ ഡോളർ ആസ്തിയുള്ള മുകേഷ് അംബാനി ഇപ്പോൾ 76.6 ബില്യൺ ഡോളർ വിലമതിക്കുന്ന സോങ് ഷാൻഷാനേക്കാൾ സമ്പന്നനാണ്. ജാക്ക് മായെപ്പോലുള്ള ചൈനീസ് ടെക് ടൈറ്റാനുകളെ മറികടന്ന് സോംഗ് ഷാൻഷാൻ മുമ്പ് ഏഷ്യയിലെ ഏറ്റവും ധനികനായ വ്യക്തിയായി മാറിയിരുന്നു.

കഴിഞ്ഞ രണ്ട് വർഷമായി ഏഷ്യയിലെ ഏറ്റവും ധനികരായ ആളുകളുടെ റാങ്കിംഗിൽ മുകേഷ് അംബാനി മുന്നിലായിരുന്നു. പക്ഷെ തന്റെ രണ്ട് കമ്പനികളുടെ പട്ടികയ്ക്ക് ശേഷം മുകേഷ് അംബാനിയിൽ നിന്നുള്ള ഏഷ്യയിലെ ഏറ്റവും ധനികനായ വ്യക്തി എന്ന പദവി സോങ് ഷാൻഷാൻ പിടിച്ചെടുത്തു.

കഴിഞ്ഞ വർഷാവസാനം ഏഷ്യയിൽ അംബാനിയെ മറികടന്ന അദ്ദേഹം 2021 തുടക്കത്തിൽ വാരൻ ബഫറ്റിനെയും മറികടന്ന് ലോക സമ്പന്നരുടെ പട്ടികയിൽ 16-ആമനായി മുന്നേറിയിരുന്നു. നൊംഗു സ്പ്രിങ്കൊ എന്ന കുപ്പി വെള്ള കമ്ബനി കൂടാതെ വാക്സിൻ നിർമ്മാണ കമ്പനിയായ ബീജിങ് വാന്തായ് ബയോളജിക്കൽ ഫാർമസി എന്റർപ്രൈസും സോങിന്റെതായുണ്ട്

മറുവശത്ത്, മുകേഷ് അംബാനി തന്റെ സാമ്രാജ്യമായ റിലയൻസ് ഡിജിറ്റൽ, റീട്ടെയിൽ യൂണിറ്റുകളിലെ ഓഹരികൾ ഗൂഗിൾ, ഫേസ്ബുക്ക് ഇങ്ക് ഉൾപ്പെടെയുള്ള നിക്ഷേപകർക്ക് വിൽക്കുകയും തന്റെ ധനം ഉയർത്തുകയും ചെയ്തു. റിലയൻസ് ഇൻഡസ്ട്രീസ് ലിമിറ്റഡിന് (ആർഐഎൽ) ഓഹരി വിപണിയിൽ കനത്ത നഷ്ടം നേരിട്ടതിനെത്തുടർന്ന് 2020 നവംബറിൽ ഫോബ്സ് റിയൽ ടൈം ബില്യണയർമാരുടെ പട്ടികയിൽ മുകേഷ് അംബാനിക്ക് മൂന്ന് സ്ഥാനങ്ങൾ നഷ്ടപ്പെട്ടിട്ടുമുണ്ട്.