ഒരു കിലോഗ്രാം കഞ്ചാവുമായി യുവാക്കൾ പിടിയിൽ: പിടിയിലായത് പൊലീസ് പരിശോധനയ്ക്കിടെ

സ്വന്തം ലേഖകൻ

നെന്മാറ : ഒരു കിലോ കഞ്ചാവുമായി രണ്ട് യുവാക്കളെ ജില്ലാ ലഹരി വിരുദ്ധ സ്‌ക്വാഡും നെന്മാറ പോലീസും സംയുക്തമായി നടത്തിയ പരിശോധനക്കിടെ പിടികൂടി. എലവഞ്ചേരി പറശ്ശേരി സ്വദേശി നാരായണൻ മകൻ ദീപു (26) , നെന്മാറ തേവർ മണി , അയ്യപ്പൻപാറ സ്വദേശി പ്രവീൺ (20 ) എന്നിവരെയാണ് നെന്മാറ പഴയ ഗ്രാമത്തിൽ വെച്ച് പിടികൂടിയത്.
ടിയാൻമാർ സഞ്ചരിച്ച ബൈക്കും, പ്ലാസ്റ്റിക് ബാഗിൽ സൂക്ഷിച്ച ഒരു കിലോഗ്രാം കഞ്ചാവും പോലീസ് കസ്റ്റഡിയിലെടുത്തു. പിടിച്ചെടുത്ത കഞ്ചാവിന് ചില്ലറ വിപണിയിൽ ഒരു ലക്ഷം രൂപ വിലവരും.

സംസ്ഥാന പോലീസ് മേധാവിയുടെ മേൽനോട്ടത്തിൽ ജില്ലാടിസ്ഥാനത്തിൽ രൂപീകരിച്ച ഡാൻസാഫ് സ്ക്വാഡിന്റെ നേതൃത്ത്വത്തിൽ നടത്തിവരുന്ന പ്രത്യേക ഓപ്പറേഷന്റെ ഭാഗമായാണ് പരിശോധന നടത്തി വരുന്നത്.

പാലക്കാട് ജില്ല പോലീസ് മേധാവി ശിവവിക്രമിന്റെ നിർദ്ദേശത്തെത്തുടർന്ന് നർകോട്ടിക് സെൽ ഡിവൈ.എസ്.പി ശ്രീനിവാസൻ ആലത്തൂർ ഡിവൈ.എസ്.പി കെ.എം ദേവസ്യ എന്നിവരുടെ നേതൃത്വത്തിലാണ് പരിശോധന നടത്തിയത്.

തമിഴ്നാട്ടിൽ നിന്നും കഞ്ചാവ് മൊത്തത്തിൽ കൊണ്ടുവന്ന് ആവശ്യാനുസരണം ഇടപാടുകാർക്ക് കഞ്ചാവ് എത്തിച്ചു കൊടുക്കുന്നത്. ട്രൈയിൻ ഗതാഗതം നിന്നതോടെ റോഡുമാർഗമാണ് കേരളത്തിലേക്ക് കഞ്ചാവ് വരുന്നത്.

നെന്മാറ, അയിലൂർ , വടക്കഞ്ചേരി മലയോര മേഖല കേന്ദ്രീകരിച്ച് ചില്ലറ വിൽപനക്കാർക്ക് കൈമാറാൻ കൊണ്ടു വന്ന കഞ്ചാവാണ് പിടികൂടിയത്. ലോക് ടൗൺ തുടങ്ങിയതോടെ കഞ്ചാവ് കിട്ടാതാവുകയും വില ഇരട്ടിയിലധികമാവുകയും ചെയ്തു. മീൻ , പച്ചക്കറി, മറ്റു ചരക്കു വാഹനങ്ങളിലാണ് കഞ്ചാവ് കേരളത്തിലേക്ക് കടത്തുന്നത്. ഊടുവഴികളിലൂടെ ഇരുചക്ര വാഹനങ്ങളിലും കഞ്ചാവ് കടത്തുന്നതായി സൂചനകൾ ലഭിച്ചിട്ടുണ്ട്.
പ്രതികൾക്ക് കഞ്ചാവ് കേസും , അടിപിടി കേസും നിലവിലുണ്ട്.

പ്രതികളെ കോവിഡ് പരിശോധനക്കു ശേഷമായിരിക്കും കോടതിയിൽ ഹാജരാക്കുക.

പാലക്കാട് നാർക്കോട്ടിക് സെൽ ഡി.വൈ.എസ്.പി. സി.ഡി ശ്രീനിവാസൻ , ആലത്തൂർ ഡിവൈ.എസ്.പി കെ.എം. ദേവസ്യ എന്നിവരുടെ നേത്യത്വത്തിൽ നെന്മാറ സബ്ബ് ഇൻസ്പെക്ടർ എം .മഹേഷ് കുമാർ , അഡീഷണൽ എസ്.ഐ. ബാലകൃഷ്ണൻ.പി, എ.എസ്.ഐ. മാരായ രാജപ്പൻ.വി, , രാമചന്ദ്രൻ. എ , സിവിൽ പോലീസ് ഓഫീസർമാരായ രാജേഷ്‌ , സനു , ഡാൻസാഫ് സ്ക്വാഡ് അംഗങ്ങളായ എ.എസ്.ഐ. നസീറലി, റഹിം മുത്തു. യു .സൂരജ് ബാബു,
കെ.ദിലീപ് എന്നിവരടങ്ങിയ സംഘമാണ് കഞ്ചാവ് പിടികൂടിയത്.