ബിവറേജസുകൾ അടയ്ക്കണം: മാസ്ക് ധരിച്ച് പ്രതിഷേധവുമായി യുവമോർച്ച കോട്ടയത്ത്

സ്വന്തം ലേഖകൻ

കോട്ടയം : 24 മണിക്കൂറിനുള്ളിൽ ബിവറേജസ് ഔട്ട്ലെറ്റുകൾ പൂട്ടണം എന്ന് ആവശ്യപ്പെട്ട് കോട്ടയം ജില്ല യുവമോർച്ചയുടെ ആഭിമുഖ്യത്തിൽ ബിവറേജസ് ഔട്ട്ലെറ്റിന് മുന്നിൽ പ്രതിഷേധം നടത്തി.

കൊവിഡ്19 സാമൂഹ്യവ്യാപനത്തിന്റെ തലത്തിലേക്ക് വളരുന്ന സാഹചര്യത്തിൽ കാര്യങ്ങൾ അതീവഗുരുതരമായിട്ടും ബിവറേജസ് ഔട്ട്ലെറ്റുകൾ അടയ്ക്കാത്തത് ഗുരുതരമായ വീഴ്ചയാണ്.

യുവമോർച്ച സംസ്ഥാന വൈസ് പ്രസിഡൻ്റ് അഖിൽ രവീന്ദ്രൻ ഉദ്ഘാടനം ചെയ്തു. യോഗത്തിൽ യുവമോർച്ച കോട്ടയം ജില്ലാ പ്രസിഡൻ്റ് സോബിൻ ലാൽ, യുവമോർച്ച ജില്ലാ ജനറൽ സെക്രട്ടറി അശ്വന്ത് മാമലശ്ശേരി എന്നിവർ സംസാരിച്ചു.

ജില്ലാ ഉപാദ്ധ്യക്ഷൻമാരായ ബിനു കോട്ടയം , പ്രമോദ് സോമൻ, ജില്ലാ ട്രഷറർ രാജ്മോഹൻ , ജില്ലാ സെക്രട്ടറി അരവിന്ദ് കല്ലറ , വിനോദ് കോട്ടയം, രാഹുൽ ടി.പി , ശ്യാംകുമാർ, ഹരി, സാംസൺ , അനന്തു എന്നിവർ പ്രസംഗിച്ചു.