പൂജപ്പുര ജയിലിലെ ഡിഐജി ഓഫീസിൽ ഉദ്യോഗസ്ഥനെ തൂങ്ങിമരിച്ച നിലയിൽ കണ്ടെത്തി

സ്വന്തം ലേഖകൻ

തിരുവനന്തപുരം: ജയിൽ ഡിഐജി ഓഫീസിൽ ഉദ്യോഗസ്ഥനെ തൂങ്ങിമരിച്ച നിലയിൽ കണ്ടെത്തി. അസിസ്റ്റന്റ് സൂപ്രണ്ട് സുരേഷ് കുമാറിനെയാണ് പൂജപ്പുര ഡിഐജി ഓഫീസിലെ ഗാർഡ് റൂമിനുള്ളിൽ മരിച്ച നിലയിൽ കണ്ടെത്തിയത്.

പൊലീസ് നടപടികൾ പൂർത്തീകരിച്ച ശേഷം മൃതദേഹം തിരുവനന്തപുരം മെഡിക്കൽ കോളജ് ആശുപത്രിലേക്ക് മാറ്റി. രണ്ട് മാസം മുമ്പ് ശിക്ഷണ നടപടികളുടെ ഭാഗമായി വിയ്യൂരിൽ നിന്ന് സുരേഷ് കുമാറിനെ തിരുവനന്തപുരത്തേക്ക് സ്ഥലം മാറി വന്നയാളായിരുന്നു. കൂടാതെ ആറ് മാസം മുമ്പ് ഇയാളെ മദ്യ വിമുക്ത ചികിത്സയ്ക്കും വിധേയനായിരുന്നു.