60 പവന്റെ സ്വർണ്ണം കടമായി എടുത്ത് നൽകാമെന്നു പറഞ്ഞ് പറ്റിച്ച് 8 ലക്ഷം രൂപ തട്ടി എടുത്തു; കാഞ്ഞിരപ്പള്ളി സ്വദേശി ഒളിവിൽ

കട്ടപ്പന: എറണാകുളം സ്വദേശിയിൽ നിന്നും 8 ലക്ഷം രൂപ തട്ടിയെടുത്ത് കാഞ്ഞിരപ്പള്ളി സ്വദേശിയായ യുവാവ് ഒളിവിൽ പോയതായി പരാതി. ശരിയും എന്ന കാഞ്ഞിരപ്പള്ളി സ്വദേശിയായ യുവാവാണ് പണവുമായി മുങ്ങിയത്.

കട്ടപ്പനയിൽ നിന്നും 60 പവന്റെ സ്വർണ്ണം കടമായി എടുത്തു നൽകാമെന്ന് പറഞ്ഞ് കബളിപ്പിച്ച് അഡ്വാൻസ് തുകയായി 8 ലക്ഷം രൂപ വേണമെന്ന് പറയുകയായിരുന്നു. തുടർന്ന് പണം യുവാവിൽ നിന്ന് കൈപ്പറ്റിയ ശേഷം പ്രതി ഓടി രക്ഷപ്പെടുകയായിരുന്നു എന്നാണ് വിവരം. നാട്ടുകാരും സമീപത്തുള്ളവരും പരിസരത്താകെ തിരച്ചിൽ നടത്തിയെങ്കിലും ഇയാളെ കണ്ടെത്താൻ സാധിച്ചില്ല.

ഇയാൾ മുൻപും നിരവധി കേസുകളിൽ പ്രതിയാണെന്നാണ് അറിയാൻ സാധിക്കുന്നത്.