അവിഹിത ബന്ധത്തിന് തടസം നിന്നപ്പോൾ പതിനാറുകാരിയെ കഴുത്ത് ഞെരിച്ച് കൊന്നത് പെറ്റമ്മ തന്നെ ; ശ്വാസം നിലയ്ക്കുന്നതിനു മുൻപേ കിണറ്റിൽ എറിഞ്ഞതായും സംശയം
സ്വന്തം ലേഖിക നെടുമങ്ങാട്: അമ്മയും കാമുകനും ചേർന്നു കഴുത്തുഞെരിച്ചു കിണറ്റിലെറിയുമ്പോൾ പതിനാറുകാരിയായ മീരയിൽ ജീവന്റെ തുടിപ്പുകൾ അവശേഷിച്ചിരുന്നെന്നു സംശയം. മഴ തോരും മുമ്പേ കിണറ്റിൽ തള്ളാനുള്ള വ്യഗ്രതയിൽ മരിച്ചെന്ന് ഉറപ്പാക്കാൻ സമയമുണ്ടായിരുന്നില്ല. കട്ടിലിലിൽ ഇരിക്കുകയായിരുന്ന മകളുടെ കഴുത്തിൽ ആദ്യം ഷാൾ ചുറ്റി ഞെരിച്ചതു മഞ്ജുഷയാണ്. പിന്നാലെ മഞ്ജുഷയുടെ കാമുകൻ അനീഷ് കൈകൾ കൊണ്ട് കഴുത്തുഞെരിച്ചു. കുഴഞ്ഞുവീണ മീരയെ ബൈക്കിലിരുത്തി കരാന്തലയിലെത്തിച്ചു.അനീഷിന്റെ വീടിനടുത്തുള്ള കിണറിനരികിലെ കുറ്റിക്കാട്ടിൽ കിടത്തിയപ്പോൾ മീര നേരിയ ശബ്ദം പുറപ്പെടുവിച്ചതായി തോന്നി. മഞ്ജുഷ വീണ്ടും കഴുത്ത് ഞെരിക്കുമ്പോഴേക്കും അനീഷ് കിണറിന്റെ മൂടി മാറ്റി. […]
