പത്തു വയസുകാരൻ മദ്രസ കോമ്പൗണ്ടിലെ കിണറ്റില്‍ വീണു മരിച്ചു; കളിക്കുന്നതിനിടെ അബദ്ധത്തിൽ കാൽ വഴുതി കിണറ്റിലേക്ക് വീഴുകയായിരുന്നു

കോഴിക്കോട്: ചെക്യാട് മാമുണ്ടേരിയില്‍ പത്തു വയസുകാരൻ കിണറ്റില്‍ വീണു മരിച്ചു. ചെക്യാട് സൗത്ത് എംഎല്‍പി സ്കൂള്‍ നാലാം ക്ലാസ്സ്‌ വിദ്യാർത്ഥി മുനവ്വറലി ആണ്‌ മരിച്ചത്.

കളിക്കുന്നതിനിടെ കുട്ടി മഹനുദ്ധീൻ ഉലു മദ്രസ്സ കോമ്ബൗണ്ടിലെ കിണറ്റില്‍ വീഴുകയായിരുന്നു. ഉടൻ തന്നെ നാട്ടുകാർ പുറത്തെടുത്തു കല്ലാച്ചിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനല്‍കും.