ശരീരഭാര നിയന്ത്രണത്തിന് സഹായിക്കുന്ന നട്സ് ഇവയാണ്

ഇടയ്ക്കിടെ ഭക്ഷണം കഴിക്കാൻ ആഗ്രഹമുണ്ടെങ്കിലും ശരീരഭാര നിയന്ത്രണത്തിനായി ഡയറ്റിലായതിനാല്‍ അത് കണ്ടില്ല എന്ന് നടിച്ചിരിക്കേണ്ടി വരാറുണ്ടോ?.

വിഷമിക്കേണ്ട ഇത്തരം സാഹചര്യങ്ങളില്‍ ചില വിത്തുകളും, നട്സ്സും നിങ്ങളുടെ സഹായത്തിനെത്തിയേക്കാം. അവ വിശപ്പ് ശമിപ്പിച്ച്‌ ഭാര നിയന്ത്രണത്തില്‍ കൂടുതല്‍ ഗുണം ചെയ്യും.

താമര വിത്ത്: ഇവയുടെ പട്ടികയില്‍ ഒന്നാമത് നില്‍ക്കുന്നത് താമര വിത്തുകളാണ്. ഏഷ്യയിലെ പല ഭാഗങ്ങളിലും ഇത് ഉപയോഗത്തിലുണ്ട്. താമര വിത്തുകളില്‍ കൊഴുപ്പ് കുറവാണ് ശരീരത്തിന് അവശ്യമായ കലോറി നല്‍കുന്നതിന് കുറവുണ്ടാകുകയുമില്ല. മാത്രമല്ല ഇതില്‍ അടങ്ങിരിക്കുന്ന നാരുകള്‍ ദഹന പ്രക്രിയയില്‍ സഹായിക്കുന്നു. വിശപ്പ് ശമിപ്പിച്ച്‌ അമിതമായി പൂർണ തൃപ്തി നല്‍കുന്നു. അമിതമായി ഭക്ഷണം കഴിക്കുന്നത് ഇതിലൂടെ ഒഴിവാക്കാൻ സാധിക്കും.

മഗ്നീഷ്യം കാല്‍സ്യം, തുടങ്ങിയ പ്രധാന ധാതുക്കളും അതില്‍ അടങ്ങിയിട്ടുണ്ട്. കുറഞ്ഞ കൊഴുപ്പും ഉയർന്ന പ്രോട്ടീനും ശരീരഭാര നിയന്ത്രണത്തിന് പ്രധാന ഘടകമാണ്. ഫ്ലേവനോയ്ഡുകള്‍ പോലെയുള്ള താമര വിത്തിലെ ആൻ്റിഓക്സിഡൻ്റുകളുടെ സാന്നിധ്യം, ഓക്സിഡേറ്റീവ് സ്ട്രെസ് അല്ലെങ്കില്‍ കോശ നാശം, വീക്കം എന്നിവ കുറയ്ക്കും, ഇത് അമിതവണ്ണവും ഉപാപചയ പ്രശ്നങ്ങള്‍ എന്നിവയ്ക്ക് പരിഹാരമാകുന്നു.

കശുവണ്ടി: ഇത് കൂടാതെ അണ്ടിപരിപ്പ് അതിലെ പോഷക സാന്ദ്രത കാരണം ആരോഗ്യകരമായ ലഘുഭക്ഷണമായി കാണുന്നു. ഇതില്‍ ആരോഗ്യകരമായ കൊഴുപ്പുകള്‍ കൂടുതലാണ്. പ്രധാനമായും മോണോസാച്ചുറേറ്റഡ്, പോളിഅണ്‍സാച്ചുറേറ്റഡ് കൊഴുപ്പുകളാണ് ഉള്ളത്. ഇവ ഹൃദയാരോഗ്യത്തിന് ഗുണം ചെയ്യും. ഉയർന്ന സാന്ദ്രതയുള്ള ലിപ്പോപ്രോട്ടീൻ (എച്ച്‌ഡിഎല്‍) കൊളസ്ട്രോള്‍ വർദ്ധിപ്പിച്ചുകൊണ്ട് അവ ലിപിഡ് പ്രൊഫൈലുകള്‍ മെച്ചപ്പെടുത്തുന്നു.

ബദാം: നട്സുകളുടെ കാര്യത്തില്‍ മുൻനിരയിലുള്ളത് ബദാം ആണ്, ഇതില്‍ (ഏകദേശം 28 ഗ്രാമില്‍) ഏകദേശം 160 കലോറിയും6 ഗ്രാം പ്രോട്ടീനും 14 ഗ്രാം കൊഴുപ്പും അടങ്ങിയിരിക്കുന്നു, ഒരു പ്രധാന ഭാഗവും അപൂരിത കൊഴുപ്പാണ്. ഈ കൊഴുപ്പ് നാരുകളുമായി ചേർന്ന് ഊർജ്ജ നില നിലനിർത്താനും വിശപ്പ് ശമിപ്പിച്ച്‌ പൂർണ്ണത നല്‍കാനും സഹായിക്കും. ശരീരഭാര നിയന്ത്രണത്തിന് അത് ഗുണം ചെയ്യും.

വാല്‍നട്ട്: ഒമേഗ-3 ഫാറ്റി ആസിഡുകള്‍ വാല്‍നട്ടില്‍ ധാരാളം അടങ്ങിയിട്ടുണ്ട്. അമിതമായ കൊഴുപ്പ്, നാരുകള്‍, പ്രോട്ടീൻ എന്നിവ നശിപ്പിക്കുന്നതിന് ഇതി സഹായകരമാണ്. ഉയർന്ന അളവിലുള്ള പോളിസാച്ചുറേറ്റഡ് കൊഴുപ്പ് ഇതിലുണ്ട്. കൊളസ്ട്രോള്‍ നിയന്ത്രണത്തിലാക്കുന്നതിന് ഗുണം ചെയ്യും. ആൻ്റിഓക്സിഡൻ്റുകളാലും ഫൈറ്റോ ന്യൂട്രിയൻ്റുകളാലും സമ്ബന്നമായ ഇവ വീക്കം കുറയ്ക്കുകയും ടൈപ്പ് 2 പ്രമേഹത്തെ തടയുകയും ചെയ്യുന്നു.

പിസ്ത: നാരുകളും പ്രോട്ടീനാലും പിസ്ത നട്ടുകള്‍ സമ്ബന്നമാണ്. ഇത് അമിതമായി ഭക്ഷണം കഴിക്കുന്നത് തടയുന്നത് കൂടാതെ ദഹനം വൈകിപ്പിക്കുന്നു. ഇത് കുറഞ്ഞ അളവില്‍ ആവശ്യത്തിനു മാത്രം ഭക്ഷണം കഴിക്കുന്നതിനെ പ്രോത്സാഹിപ്പിക്കും. ദഹന സംബന്ധമായ തകരാറുകളുടെയും ഹൃദ്രോഗത്തിൻ്റെയും സാധ്യത കുറയ്ക്കാൻ സഹായിക്കും. ഇവയ്ക്ക് ഗ്ലൈസെമിക് ഇൻഡക്സ് കുറവായതിനാല്‍ രക്തത്തിലെ പഞ്ചസാരയുടെ അളവ് കുറയ്ക്കും.