തിരുവനന്തപുരം: വയനാടിനുള്ള കേന്ദ്രത്തിൻ്റെ വായ്പാ ഉപാധി മറികടക്കാൻ നടപടിയുമായി സംസ്ഥാന സർക്കാർ
ടൗണ്ഷിപ്പിനുള്ള ഭൂമിയുടെ വിലനിര്ണ്ണയം പൂര്ത്തിയാക്കി ഈ മാസം തന്നെ എസ്റ്റേറ്റുകള് ഏറ്റെടുത്ത് ഉത്തരവിറക്കാനാണ് തീരുമാനം. കേന്ദ്ര വായ്പാ വിനിയോഗ നടപടികള് വിലയിരുത്താൻ വൈകീട്ട് മുഖ്യമന്ത്രി ഉന്നതതല യോഗം വിളിച്ചു.
ഇനി വൈകിയാല് നേരം ഇല്ലെന്ന ധാരണയിലാണ് വയനാട് പുനരധിവാസ നടപടികളുമായി സര്ക്കാര് മുന്നോട്ട് പോകുന്നത്.
എല്സ്റ്റോണ് നെടുമ്പാല എസ്റ്റേറ്റുകളിലായി ടൗണ്ഷിപ്പിന് വേണ്ടിയുള്ള ഭൂമി ഏറ്റെടുക്കാൻ റവന്യു വകുപ്പ് നടപടി അവസാന ഘട്ടത്തിലാണ്.
Whatsapp Group 1 | Whatsapp Group 2 |Telegram Group
വിലനിര്ണ്ണയം പൂര്ത്തിയാക്കി ഈ മാസം തന്നെ ഭൂമി ഏറ്റെടുത്ത് ഉത്തരവിറക്കും. ഗുണഭോക്താക്കളുടെ ആദ്യ ഘട്ട പട്ടികയില് തീരുമാനമാക്കി മാര്ച്ചില് ടൗണ്ഷിപ്പിന് തറക്കല്ലിടാനാണ് സര്ക്കാര് നീക്കം. പുനരധിവാസത്തിന് തയ്യാറാക്കുന്ന ടൗണ്ഷിപ്പിനോട് ചേര്ന്ന പൊതു ഗതാഗത സൗകര്യത്തിനും പൊതു കെട്ടിടങ്ങള്ക്കും അടക്കം 16 പദ്ധതികള്ക്കാണ് കേന്ദ്രം വായ്പ അനുവദിച്ചിട്ടുള്ളത്.
