തീക്കട്ടയിലും ഉറുമ്പരിച്ചുവോ….! കോട്ടയം ജില്ലാ പൊലീസ് മേധാവിയുടെ പേരിൽ വ്യാജ വാട്സ്ആപ്പ് അക്കൗണ്ട്; 8369282802 എന്ന നമ്പർ ഉപയോഗിച്ചാണ് അക്കൗണ്ട് ഉണ്ടാക്കിയിരിക്കുന്നത്; ജാഗ്രത പാലിക്കണമെന്ന് നിർദേശം

സ്വന്തം ലേഖിക

കോട്ടയം: കോട്ടയം ജില്ലാ പോലീസ് മേധാവിയുടെ പേരിൽ വ്യാജ വാട്സ്ആപ്പ് അക്കൗണ്ട്.

ജില്ലാ പോലീസ് മേധാവി കെ കാർത്തിക്കിന്റെ പ്രൊഫൈൽ ചിത്രം ഉപയോഗിച്ചാണ് വ്യാജ വാട്സ്ആപ്പ് അക്കൗണ്ട് നിര്‍മ്മിച്ചിരിക്കുന്നത് . 8369282802 എന്ന നമ്പറിൽ നിന്നാണ് വാട്സ്ആപ്പ് സന്ദേശങ്ങൾ വരുന്നത്.

ആദ്യം കുശലാന്വേഷണം ആയിരിക്കും. ഇത്തരം മെസ്സേജുകൾക്ക് പൊതുജനങ്ങൾ യാതൊരു വിധത്തിലും മറുപടി നൽകരുതെന്നും ജാഗ്രത പാലിക്കണമെന്നും ജില്ലാ പോലീസ് മേധാവി അറിയിച്ചു.