നേമം: വിളപ്പില്ശാല സാമൂഹിക ആരോഗ്യ കേന്ദ്രത്തിലെ ചികിത്സാനിഷേധത്തെ തുടർന്ന് മരിച്ച ബിസ്മീറിന്റെ പോസ്റ്റ്മോർട്ടം റിപ്പോർട്ട് പുറത്ത്.മരണകാരണം ഹൃദയാഘാതം മൂലമെന്ന് റിപ്പോർട്ടില് വ്യക്തം.
ശരീരത്തില് ഓക്സിജൻ കുറഞ്ഞതിന്റെ ലക്ഷണങ്ങള് ഉണ്ടായിരുന്നു ‘ശരീര ഭാഗങ്ങള് നീല നിറമായത് ഓക്സിജൻ കുറഞ്ഞതിന്റെ ലക്ഷണം ‘ ആണെന്നും ശ്വാസനാളത്തില് ഭക്ഷണ അവശിഷ്ടങ്ങള് കയറിയത് കഠിനമായ ശ്വാസ തടസ്സത്തിന് കാരണമായെന്നും നിഗമനം.
ബിസ്മീറിൻ്റെ മരണം ചികിത്സാ പിഴവുകൊണ്ടല്ലെന്നാണ് അന്വേഷണ റിപ്പോട്ടിലുള്ളത്. ഓക്സിജൻ നല്കിയാണ് മെഡിക്കല് കോളജിലേക്ക് രോഗിയെ അയച്ചതെന്നും ജില്ലാ തല മെഡിക്കല് ഓഫീസർ തയ്യാറാക്കിയ റിപ്പോർട്ടില് വ്യക്തമാക്കിയിരുന്നു. നിർണായക സിസിടിവി ദൃശ്യങ്ങള് പുറത്തുവന്നതിന് പിന്നാലെയാണ് ആരോഗ്യവകുപ്പ് മന്ത്രി അന്വേഷണം പ്രഖ്യാപിച്ചിരുന്നു. കുറ്റക്കാരായ ജീവനക്കാർക്കെതിരെ ഉടൻ നടപടിയെടുക്കണമെന്നാണ് കുടുംബത്തിന്റെ ആവശ്യം.
Whatsapp Group 1 | Whatsapp Group 2 |Telegram Group
