ച​രി​ത്ര പ്ര​സി​ദ്ധ​മാ​യ വൈക്കത്തഷ്ടമി; ഉ​ത്സ​വ​ത്തി​ന്‍റെ സു​ഗ​മ​മാ​യ ന​ട​ത്തി​പ്പി​നും ക്ര​മ​സ​മാ​ധാ​ന പാ​ല​ന​ത്തി​നു​മാ​യി ക്ര​മീ​ക​ര​ണ​ങ്ങ​ള്‍ ഒ​രു​ക്കു​ന്ന​തി​ന് യോ​ഗം ചേ​ര്‍​ന്നു; ഉ​ത്സ​വ ന​ട​ത്തി​പ്പി​ന് സ്പെഷ്യൽ ഓഫിസറായി ഡി​വൈ എ​സ്പി എ.​ജെ. തോ​മ​സിനെ ചുമതലപ്പെടുത്തും; ന​ഗരത്തിലെ 44 ക്യാമറകൾ പ്രവർത്തനക്ഷമമാക്കും; വൈ​ക്കം -ത​വ​ണ​ക്ക​ട​വ് ഫെ​റി​യി​ല്‍ ക​ടു​ത​ല്‍ സ​ര്‍​വീ​സ്

വൈ​ക്കം: വൈ​ക്കം മ​ഹാ​ദേ​വ ക്ഷേ​ത്ര​ത്തി​ലെ ച​രി​ത്ര പ്ര​സി​ദ്ധ​മാ​യ വൈ​ക്ക​ത്ത​ഷ്ട​മി ഉ​ത്സ​വ​ത്തി​ന്‍റെ സു​ഗ​മ​മാ​യ ന​ട​ത്തി​പ്പി​ന് ആ​വ​ശ്യ​മാ​യ ക്ര​മീ​ക​ര​ണ​ങ്ങ​ള്‍ ഒരുക്കുമെന്ന് മന്ത്രി വി എൻ വാസവൻ.

അ​ഷ്‌​ട‌​മി ഉ​ത്സ​വ​ത്തി​ന്‍റെ സു​ഗ​മ​മാ​യ ന​ട​ത്തി​പ്പി​നും ക്ര​മ​സ​മാ​ധാ​ന പാ​ല​ന​ത്തി​നു​മാ​യി ക്ഷേ​ത്ര ന​ഗ​രി​യെ കാ​മ​റ നി​രീ​ക്ഷ​ണ​ത്തി​ലാ​ക്കും. ന​ഗ​ര​ത്തി​ലെ 44 കാ​മ​റ​ക​ളി​ല്‍ 21 എ​ണ്ണം മാ​ത്ര​മാ​ണ് പ്ര​വ​ര്‍​ത്ത​ന​ക്ഷ​മ​മാ​യി​ട്ടു​ള്ള​ത്. ത​ക​രാ​റി​ലാ​യ​വ അ​റ്റ​കു​റ്റ​പ്പ​ണി ന​ട​ത്തി പ്ര​വ​ര്‍​ത്ത​ന​ക്ഷ​മ​മാ​ക്കും.

വൈ​ക്കം സ​ബ് ഡി​വി​ഷ​ന്‍ ഡെ​പ്യൂ​ട്ടി പോ​ലീ​സ് സൂ​പ്ര​ണ്ടാ​യി സ്ഥാ​ന​മേ​റ്റ ന​കു​ല്‍ രാ​ജേ​ന്ദ്ര​ദേ​ശ്മു​ഖ് ഇ​ത​ര സം​സ്ഥാ​ന​ക്കാ​ര​നും വൈ​ക്ക​ത്തെ​ക്കു​റി​ച്ച്‌ പ​രി​ച​യ​മി​ല്ലാ​ത്ത യാ​ളു​മാ​യ​തി​നാ​ല്‍ വൈ​ക്ക​ത്ത​ഷ്ട​മി ഉ​ത്സ​വ ന​ട​ത്തി​പ്പി​നാ​യി സ്ഥ​ലം​മാ​റ്റം ല​ഭി​ച്ച ഡി​വൈ എ​സ്പി എ.​ജെ. തോ​മ​സി​നെ സ്പെ​ഷ​ല്‍ ഓ​ഫീ​സ​റാ​ക്കു​മെ​ന്ന് മ​ന്ത്രി വി.​എ​ന്‍. വാ​സ​വ​ന്‍. അ​ഷ്ട​മി ഉ​ത്സ​വ ന​ട​ത്തി​പ്പി​നാ​യി ഒ​രു മാ​സ​ത്തേ​ക്കാ​ണ് സ്പെ​ഷ​ല്‍ ഓ​ഫി​സ​റാ​യി അ​ദ്ദേ​ഹ​ത്തി​ന്‍റെ സേ​വ​നം നീ​ട്ടു​ന്ന​ത്.

വൈ​ക്കം താ​ലൂ​ക്ക് ആ​ശു​പ​ത്രി​യി​ല്‍ അ​ഷ്ട​മി​ക്കാ​ല​ത്ത് 24 മ​ണി​ക്കൂ​റും സേ​വ​ന​മു​റ​പ്പാ​ക്കു​ന്ന​തി​നു​ള്ള ക്ര​മീ​ക​ര​ണ​ങ്ങ​ള്‍ ഏ​ര്‍​പ്പെ​ടു​ത്തും. ഫ​യ​ര്‍​ഫോ​ഴ്സ് 24 മ​ണി​ക്കൂ​റും പ്ര​വ​ര്‍​ത്ത​ന സ​ജ്ജ​രാ​യി ക്ഷേ​ത്ര​ത്തി​ന്റ വ​ട​ക്കേ​ന​ട​യി​ല്‍ നി​ല​യു​റ​പ്പി​ക്കും. എ​ക്സൈ​സ് ക്ഷേ​ത്ര​ന​ഗ​രി​യി​ല്‍ പ​രി​ശോ​ധ​ന ഉ​റ​പ്പാ​ക്കു​ന്ന​തി​നൊ​പ്പം ക്ഷേ​ത്ര​ത്തി​നു​ള്ളി​ല്‍ ക​ണ്‍​ട്രോ​ള്‍​റും തു​റ​ക്കും. കെ ​എ​സ് ഇ ​ബി , വാ​ട്ട​ര്‍ അ​തോ​റി​റ്റി അ​ധി​കൃ​ത​ര്‍ വൈ​ദ്യു​തി ജ​ല വി​ത​ര​ണം കാ​ര്യ​ക്ഷ​മ​മാ​ക്കാ​ന്‍ ന​ട​പ​ടി ഊ​ര്‍​ജി​ത​മാ​ക്കും.

അ​ഷ്ട​മി ഉ​ത്സ​വ കാ​ല​ത്ത് ജ​ല​ഗ​താ​ഗ​ത വ​കു​പ്പ് വൈ​ക്കം -ത​വ​ണ​ക്ക​ട​വ് ഫെ​റി​യി​ല്‍ ക​ടു​ത​ല്‍ സ​ര്‍​വീ​സ് ന​ട​ത്തും. നി​ല​വി​ല്‍ നാ​ലു ബോ​ട്ടു​ക​ളാ​ണ് സ​ര്‍​വീ​സ് ന​ട​ത്തു​ന്ന​ത്. അ​ഷ്‌​ട‌​മി ഉ​ത്സ​വ​ത്തി​ല്‍ 15-ാം തീ​യ​തി ഉ​ച്ച​യ്ക്ക് 12 മു​ത​ല്‍ 18ന് ​രാ​വി​ലെ എ​ട്ടു​വ​രെ അ​ധി​ക ട്രി​പ്പു​ക​ള്‍ ന​ട​ത്താ​ന്‍ ആ​റ് ബോ​ട്ടു​ക​ളാ​ണ് ഉ​പ​യോ​ഗി​ക്കു​ന്ന​ത്.

വൈ​ക്കം സ​ത്യ​ഗ്ര​ഹ സ്മാ​ര​ക ഹാ​ളി​ല്‍ ന​ട​ന്ന യോ​ഗ​ത്തി​ല്‍ സി.​കെ. ആ​ശ എം​എ​ല്‍​എ അ​ധ്യ​ക്ഷ​ത വ​ഹി​ച്ചു. യോ​ഗ​ത്തി​ല്‍ വി​വി​ധ വ​കു​പ്പു​ക​ളി​ലെ ഉ​ദ്യോ​ഗ​സ്ഥ​ര്‍ ഉ​ത്സ​വ​ത്തി​ന് ഏ​ര്‍​പ്പെ​ടു​ത്തു​ന്ന ക്ര​മീ​ക​ര​ണ​ങ്ങ​ള്‍ വി​ശ​ദീ​ക​രി​ച്ചു.

വൈ​ക്കം ന​ഗ​ര​സ​ഭാ ചെ​യ​ര്‍​പേ​ഴ്സ​ണ്‍ രാ​ധി​ക ശ്യാം, ​വൈ​ക്കം ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് കെ.​കെ. ര​ഞ്ജി​ത്ത്, ജി​ല്ലാ പ​ഞ്ചാ​യ​ത്തം​ഗം പി.​എ​സ്. പു​ഷ്പ​മ​ണി, രാ​ഷ്‌​ട്രീ​യ പാ​ര്‍​ട്ടി പ്ര​തി​നി​ധി​ക​ളാ​യ അ​ക്ക​ര​പ്പാ​ടം ശ​ശി, അ​ബ്ദു​ള്‍​സ​ലാം റാ​വു​ത്ത​ര്‍, ശ​ശി വ​ള​വ​ത്ത്, ക്ഷേ​ത്രോ​പ​ദേ​ശ​ക സ​മി​തി പ്ര​സി​ഡ​ന്‍റ് ഷാ​ജി വ​ല്ലു​ത്ത​റ തു​ട​ങ്ങി​യ​വ​ര്‍ പ്ര​സം​ഗി​ച്ചു.