സ്വന്തം ലേഖകൻ
പയ്യന്നൂര്: പൊതുസ്ഥലത്തിരുന്ന് മദ്യപിക്കുന്നതിനിടെ പിടിയിലായവർ ഡ്യൂട്ടിയിലുണ്ടായിരുന്ന സീനിയര് സിവില് പോലീസ് ഓഫിസറെ അക്രമിച്ചു. രണ്ട് പേർ അറസ്റ്റിൽ. തൃക്കരിപ്പൂര് പേക്കടത്തെ കൊടക്കാട് വീട്ടില് മണികണ്ഠന് (32), ഇയാളുടെ സുഹൃത്തും ഓട്ടോ ഡ്രൈവറായ തൃക്കരിപ്പൂര് മീലിയാട്ടെ എം കെ കൃഷ്ണന് (50) എന്നിവരാണ് പിടിയിലായത്.
കഴിഞ്ഞ ദിവസം വൈകുന്നേരമാണ് കേസിനാസ്പദമായ സംഭവം. പയ്യന്നൂര് പുതിയ ബസ് സ്റ്റാൻഡിന് സമീപത്തെ കെട്ടിടത്തിനു സമീപം മദ്യപിക്കുകയായിരുന്നു ഇരുവരും. ഇതിനിടയില് പോലിസ് സംഘം എത്തി ഇരുവരെയും പിടികൂടുകയായിരുന്നു.
Whatsapp Group 1 | Whatsapp Group 2 |Telegram Group
മദ്യലഹരിയിലായിരുന്ന ഇരുവരെയും മറ്റൊരു വാഹനത്തില് സ്റ്റേഷനിലേക്ക് കൊണ്ടുവരുന്നതിനിടെയാണ് ഡ്യൂട്ടിയിലുണ്ടായിരുന്ന സീനിയര് സിവില് പോലീസ് ഓഫീസര് ജോസ്ലിനെ മണികണ്ഠന് കഴുത്തിന് പിടിച്ച് മര്ദ്ദിച്ചത്.
പോലിസുകാരന്റെ വയറിന് ചവിട്ടുകയും ദേഹത്ത് നഖം കൊണ്ട് മുറിവേല്പ്പിക്കുകയും ചെയ്തു. ഇതിനിടെ സ്റ്റേഷന് റോഡില് ഇറങ്ങിയപ്പോള് താഴേക്ക് തള്ളിയിടാന് ശ്രമിക്കുകയും ചെയ്തിരുന്നു. മദ്യലഹരിയിലായിരുന്ന രണ്ടാം പ്രതിയായ ഓട്ടോ ഡ്രൈവര് കൃഷ്ണന് ഇതിനിടയില് ഓട്ടോയുമായി കടന്നു കളയാന് ശ്രമിച്ചെങ്കിലും പോലിസ് പിടികൂടി സ്റ്റേഷനിലെത്തിച്ചു.
പോലിസിന്റെ കൃത്യനിര്വഹണം തടസപ്പെടുത്തിയതിനും പോലിസുകാരനെ ആക്രമിച്ചതിനും കേസെടുത്ത പയ്യന്നൂര് പോലിസ് പ്രതികളെ അറസ്റ്റു ചെയ്ത് കോടതിയില് ഹാജരാക്കി
