തൃശൂർ: പാലിയേക്കരയില് പോലീസിന്റെ വൻ ലഹരി വേട്ടയിൽ 90 ഗ്രാം എം.ഡി.എം.എയുമായി രണ്ട് യുവാക്കള് പിടിയില്. ബംഗളൂരുവില് നിന്ന് ആലുവയിലേക്ക് വരികയായിരുന്നു പ്രതികൾ.
കൊടുങ്ങല്ലൂർ പഞ്ചപാതം സ്വദേശി അഫ്നാൻ, കുന്നംകുളം സ്വദേശി ഷൈൻ എന്നിവരാണ് പിടിയിലായത്. ആലുവയിലേക്ക് വരികയായിരുന്ന സ്വകാര്യ ബസ്സിലാണ് പ്രതികള് ഉണ്ടായിരുന്നത്. പാലിയേക്കര ടോള് പ്ലാസ സമീപം ബസ് ഇറങ്ങിയ പ്രതികളെ പോലീസ് പിടികൂടുകയായിരുന്നു.
