തൊടുപുഴയിൽ നിര്‍മാണം നടന്നുകൊണ്ടിരുന്ന വീടിനുമുകളില്‍ നിന്ന് താഴേക്ക് വീണു; ഗൃഹനാഥന് ദാരുണാന്ത്യം

തൊടുപുഴ: നിർമാണം നടന്നുകൊണ്ടിരിക്കുന്ന വീടിന് മുകളില്‍ നിന്നു വീണ് 59 വയസുകാരൻ മരിച്ചു.

കലയന്താനി കീത്താപ്പിള്ളില്‍ (പാറയ്ക്കല്‍) ജോസ് (59) ആണ് മരിച്ചത്.

വാടകയ്ക്ക് താമസിക്കുകയായിരുന്ന ജോസും കുടുംബവും സ്വന്തമായി വാങ്ങിയ സ്ഥലത്ത് ഏതാനും ദിവസം മുൻപാണ് വീട് നിർമാണം ആരംഭിച്ചത്.

മറ്റ് തൊഴിലാളികള്‍ക്കൊപ്പം കെട്ടിടത്തിന് മുകളില്‍ പണിയിലേർപ്പെട്ടിരുന്ന ജോസ് അപ്രതീക്ഷിതമായി താഴേക്ക് വീഴുകയായിരുന്നുവെന്ന് കൂടെയുണ്ടായിരുന്നവർ പറഞ്ഞു.