തിരുവല്ലയില്‍ തോട് വൃത്തിയാക്കുന്നതിനിടെ തോക്ക് കണ്ടെത്തി; അന്വേഷണം ആരംഭിച്ച്‌ പോലീസ്

സ്വന്തം ലേഖിക

തിരുവല്ല: തോട് വൃത്തിയാക്കുന്നതിനിടെ തോക്ക് കണ്ടെത്തി.

തൊഴിലുറപ്പ് തൊഴിലാളികളുടെ നേതൃത്വത്തില്‍ തിരുവല്ല നിരണം പുത്തൂപ്പള്ളി തോട് വൃത്തിയാക്കുന്നതിനിടെയാണ് സംഭവം.

ബുധനാഴ്ച രാവിലെ ഒന്‍പത് മണിയോടെയാണ് കൈത്തോക്ക് ലഭിച്ചത്.

തൊഴിലാളികള്‍ വിവരം അറിയിച്ചതിനെ തുടര്‍ന്ന് പുളിക്കീഴ് പൊലീസ് സ്ഥലത്തെത്തി തോക്ക് ഏറ്റുവാങ്ങി.

തോക്ക് പൊലീസിലെ ആംഡ് വിഭാഗം പരിശോധിക്കുമെന്നും സംഭവം സംബന്ധിച്ച്‌ വിശദമായ അന്വേഷണം നടത്തുമെന്നും എസ്.ഐ. പറഞ്ഞു.