തലയോലപ്പറമ്പിൽ ബാറില്‍ വച്ചുണ്ടായ വാക്കേറ്റത്തെത്തുടർന്ന് യുവാവിനെ വീട്ടില്‍ കയറി തലയ്ക്കടിച്ച്‌ കൊലപ്പെടുത്താന്‍ ശ്രമം;പ്രതി പൊലീസ് പിടിയിൽ
സ്വന്തം ലേഖിക
തലയോലപ്പറമ്പ്: ബാറില്‍ വച്ചുണ്ടായ വാക്കേറ്റത്തെത്തുടര്‍ന്ന് യുവാവിനെ വീട്ടില്‍ കയറി തലയ്ക്കടിച്ച്‌ കൊലപ്പെടുത്താന്‍ ശ്രമിച്ച കേസിലെ പ്രതികൾ പിടിയിൽ.
ചെമ്പ് ബ്രഹ്മമംഗലം ചൂളപ്പറമ്പില്‍ അഖില്‍ സി. ബാബു (28) ആണ് പൊലീസിൻ്റെ പിടിയിലായത്.
Whatsapp Group 1 | Whatsapp Group 2 |Telegram Group
വെള്ളിയാഴ്ച്ച പുലര്‍ച്ചെ ഒന്നോടെ വെള്ളൂര്‍ വരിക്കാംകുന്ന് അസീസി ബധിര വിദ്യാലയത്തിനു സമീപം കോട്ടപ്പുറം വീട്ടില്‍ കെ.ആര്‍. രാഹുലി (26)നെ വീട്ടില്‍ കയറി ഇയാള്‍ തലയ്ക്കടിച്ച്‌ അപായപ്പെടുത്താന്‍ ശ്രമിക്കുകയായിരുന്നു. പരിക്കേറ്റ രാഹുല്‍ ചികിത്സയിലാണ്.
തലയോലപ്പറമ്പ് എസ്‌ഐമാരായ ടി.ആര്‍. ദീപു, പി.എസ്. സുധീരന്‍, സീനിയര്‍ സിവില്‍ പോലീസ് ഓഫീസര്‍ രാജീവ്, സി പി ഒ പ്രവീണ്‍ പ്രകാശ്, ഷൈന്‍ എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അരയന്‍കാവ് ഭാഗത്തുനിന്നും പിടികൂടിയത്.
