സംസ്ഥാന സ്കൂൾ കലോത്സവം കോഴിക്കോട്ട്;2023 ജനുവരി മൂന്നു മുതൽ ഏഴ് വരെ അഞ്ച് ദിവസം നീളുന്ന ഏഷ്യയിലെ ഏറ്റവും വലിയ കൗമാര കലാമേളയുടെ പ്രധാന വേദി വെസ്റ്റ് ഹിൽ വിക്രം മൈതാനി.ആകെ 25 വേദികൾ കലോത്സവത്തിനായി സജ്ജീകരിക്കും.

61-ാമത് സംസ്ഥാന സ്കൂൾ കലോത്സവത്തിന് അടുത്തവർഷം ആദ്യം കോഴിക്കോട് തിരിതെളിയും. ജനുവരി മൂന്നു മുതൽ ഏഴു വരെയാണ് സ്കൂൾ കലോത്സവം. കോഴിക്കോട് വെസ്റ്റ് ഹീലിലുള്ള വിക്രം മൈതാനമാണ് പ്രധാന വേദി. കൊവി‍ഡിനെ തുടർന്നുള്ള രണ്ടു വർഷത്തെ ഇടവേളയ്ക്ക് ശേഷമാണ് സംസ്ഥാന സ്കൂൾ കലോത്സവം നടക്കുന്നത്. പ്രധാന വേദിയായ വിക്രം മൈതാനമടക്കം 25 വേദികളാണ് പരിപാടികൾക്കായി ഒരുക്കുന്നത്. വിദ്യാഭ്യാസ മന്ത്രി വി ശിവൻകുട്ടിയുടെ അധ്യക്ഷതയിൽ ചേർന്ന യോഗത്തിൽ കലോത്സവ നടത്തിപ്പിനായുള്ള സ്വാഗതസംഘം രൂപീകരിച്ചു. സംസ്ഥാനത്തെ വിവിധ വിദ്യാലയങ്ങളിൽ നിന്നുള്ള 14,000 ത്തോളം വിദ്യാർഥികൾ കലോത്സവത്തിൽ മാറ്റുരയ്ക്കും. […]