അട്ടപ്പാടിയിൽ വീണ്ടും വെടിവെയ്പ് ; ഇന്നലെ പരിക്കേറ്റ മാവോയിസ്റ്റ് നേതാവ് മണിവാസകം മരിച്ചു
സ്വന്തം ലേഖകൻ പാലക്കാട്: മൂന്ന് മാവോയിസ്റ്റുകൾ തണ്ടർബോൾട്ടുമായുള്ള ഏറ്റുമുട്ടലിൽ മരിച്ചത് ഏറെ വിവാദത്തിന് തിരികൊളുത്തിയിരുന്നു. എന്നാൽ വിവാദം അടങ്ങുന്നതിന് മുമ്പ് അട്ടപ്പാടിയിൽ വെടിവെയ്പ്പ് തുടരുകയാണ് . ഒരു മാവോയിസ്റ്റ് കൂടി കൊല്ലപ്പെട്ടെന്നാണ് ഇവിടെ നിന്ന് ലഭിക്കുന്ന വിവരം. ഇന്നലത്തെ ഏറ്റുമുട്ടലിൽ പരിക്കേറ്റ കബനി ദളത്തിലെ പ്രധാന നേതാവ് കൂടിയായ മണിവാസകം ആണ് മരിച്ചത്. ഇതോടെ കൊല്ലപ്പെട്ട മാവോയിസ്റ്റുകളുടെ എണ്ണം നാലായി. അതേസമയം ഉൾക്കാട്ടിൽ ഇപ്പോഴും ഏറ്റുമുട്ടൽ തുടരുകയാണ്. അട്ടപ്പാടി മേലെ മഞ്ചികണ്ടി ഉൾവനത്തിലാണ് ഏറ്റുമുട്ടൽ തുടരുന്നത്. വെടിവെപ്പിൽ ഇന്നലെയാണ് മൂന്ന് മാവോയിസ്റ്റുകൾ കൊല്ലപ്പെട്ടത്. […]