ഇന്ധന വില വർധനയിൽ ടെൻഷൻ വേണ്ട; മാഹിയിലേക്ക് വിട്ടോളു; ആരെയും മോഹിപ്പികും ഇന്ധന വിലയാണ് മാഹിയിൽ

സ്വന്തം ലേഖകൻ മാഹി: കേരളത്തിൽ ഇന്ധന സെസിൽ രണ്ടു രൂപ കൂട്ടാനുള്ള ബജറ്റിലെ നിർദേശം യാഥാർഥ്യമായാൽ മാഹിയിൽ തിരക്ക് കൂടാൻ സാധ്യത. ഇന്ധന വിലയിലെ വലിയ വ്യത്യാസം കാരണം കഴിഞ്ഞ 10 മാസത്തോളമായി മാഹിയിലേക്ക് കേരള വാഹനങ്ങളുടെ ഒഴുക്കാണ്. ബജറ്റ് നിർദേശം യാഥാർഥ്യമായാൽ മാഹി മേഖലയിലെ പെട്രോൾ പമ്പുകളിൽ തിരക്ക് ഇനിയും കൂടുമെന്ന കണക്കുകൂട്ടലിലാണ് ഡീലർമാരും പമ്പുടമകളും.ഇതോടെ ഗതാഗതക്കുരുക്കിൽ മാഹി വീർപ്പുമുട്ടുമെന്നാണ് കരുതുന്നത്. കഴിഞ്ഞ മേയ് മൂന്നിന് കേന്ദ്ര സർക്കാർ ഇന്ധന വിലയിലെ എക്സൈസ് തീരുവ കുറച്ച ശേഷം എണ്ണക്കമ്പനികൾ ഇന്ധന വില കൂട്ടിയിട്ടില്ല. […]