സ്വന്തം ലേഖകൻ
ഡല്ഹി: സോഷ്യല് മീഡിയയിലൂടെ പ്രതികരിക്കാനുള്ള രഹ്ന ഫാത്തിമയുടെ വിലക്ക് നീക്കി സുപ്രീം കോടതി. കേസുമായി ബന്ധപ്പെട്ടും മതവികാരം വ്രണപ്പെടുത്തുന്ന കാര്യങ്ങളിലും ഒരു പ്രതികരണവും പാടില്ലെന്ന് വ്യക്തമാക്കിയാണ് സുപ്രീം കോടതി വിലക്ക് നീക്കിയത്.
രഹ്ന ഫാത്തിമയുടെ ജാമ്യവ്യവസ്ഥയില് ഇളവ് തേടി സമര്പ്പിച്ച ഹര്ജി സുപ്രീം കോടതി തീര്പ്പാക്കി. എന്നാല് ശബരിമല ദര്ശനവുമായി ബന്ധപ്പെട്ട കേസില് രഹ്ന ഫാത്തിമയ്ക്ക് ജാമ്യവ്യവസ്ഥയില് ഇളവ് നല്കരുതെന്നായിരുന്നു സര്ക്കാര് വാദം.
Whatsapp Group 1 | Whatsapp Group 2 |Telegram Group
ഇക്കാര്യം ആവശ്യപ്പെട്ട് സര്ക്കാര് സുപ്രീം കോടതിയില് സത്യവാങ്മൂലവും സമര്പ്പിച്ചിരുന്നു. രഹ്ന പലതവണ ജാമ്യവ്യവസ്ഥ ലംഘിച്ചതായി സര്ക്കാര് സമര്പ്പിച്ച സത്യവാങ്മൂലത്തില് വ്യക്തമാക്കിയിരുന്നു.
ശബരിമല സ്ത്രീ പ്രവേശനവുമായി ബന്ധപ്പെട്ട സുപ്രീം കോടതി വിധിക്ക് ശേഷം ശബരിമലയിലേക്ക് പോകുന്നു എന്ന അടിക്കുറിപ്പോടെയാണ് രഹ്ന ഫാത്തിമ കറുത്ത വസ്ത്രം ധരിച്ച് നില്ക്കുന്ന ചിത്രം ഫേസ്ബുക്കില് പങ്കുവച്ചത്.
