സ്വന്തം ലേഖിക
നെടുങ്കണ്ടം: സ്കൂളില് കയറാതെ അല്ഫാം കഴിക്കാന് പോയ വിദ്യാര്ത്ഥിനികളെ പൊലീസ് പിടികൂടി മാതാപിതാക്കള്ക്കൊപ്പം വിട്ടയച്ചു.
വീട്ടില് നിന്നും രാവിലെ സ്കൂളില് പോകുവാനായി ഇറങ്ങിയ 15, 13 വയസുള്ള രണ്ട് പെണ്കുട്ടികള്ക്കാണ് അല്ഫാം കഴിക്കാനായി മുങ്ങിയത്.
Whatsapp Group 1 | Whatsapp Group 2 |Telegram Group
കട്ടപ്പനയില് എത്തുകയും അല്ഫാം കഴിക്കുകയും ചെയ്തു. എന്നാല് സ്ഥിരമായി സ്കൂളില് എത്തുന്ന കുട്ടികളെ കാണത്തതിനെ തുടര്ന്ന് സ്കൂള് അധികൃതര് വീട്ടുകാരോട് വിവരം അന്വേഷിച്ചു.
കുട്ടികള് സ്കൂളില് എത്താത്തിനെ തുടര്ന്ന് പൊലീസിനെ വിവരം അറിയിക്കുകയായിരുന്നു. നെടുങ്കണ്ടം ഭാഗത്തേക്കുള്ള ബസില് ഇരുവരും കയറി. ഇതിനിടെ വീട്ടുകാര് മൊബൈലില് കുട്ടികളില് ഒരാളുമായി ബന്ധപ്പെടുകയും ചെയ്തു.
ബസ് കടന്ന് പോകുന്ന ബാലഗ്രാമില് വീട്ടുകാരുടെ നിര്ബന്ധത്തിനെ തുടര്ന്ന് ഇറങ്ങിയെങ്കിലും കൂടെ സഞ്ചരിച്ച കുട്ടി വീട്ടുകാര് വഴക്ക് പറയുമെന്ന പേടിയില് തുടര്ന്ന് സഞ്ചരിക്കുകയും ചെയ്തു.
നെടുങ്കണ്ടത്ത് എത്തിയ പെണ്കുട്ടി വീണ്ടും രാജാക്കാട് ബസില് കയറി സഞ്ചരിക്കുകയും മൈലാടുംപാറയില് വെച്ച് നെടുങ്കണ്ടം പൊലീസ് പിടികൂടുകയും ചെയ്തു. പൊലീസ് നിയമപരമായ നടപടികള് പൂര്ത്തിയാക്കിയ ശേഷമാണ് ഇരുവരേയും വീട്ടുകാർക്കൊപ്പം അയച്ചത്.
