കൊല്ലം: ആശങ്കയായി കൊല്ലത്തും ഷിഗെല്ല സ്ഥിരീകരിച്ചു. ആറ് വയസുള്ള കുട്ടിക്കാണ് രോഗം സ്ഥിരീകിച്ചത്.
വയറിളക്കവുമായാണ് കുട്ടിയെ ആശുപത്രിയില് പ്രവേശിപ്പിച്ചത്.തുടര്ന്ന് നടത്തിയ പരിശോധനയില് രോഗം സ്ഥിരീകരിക്കുകയായിരുന്നു.
രോഗത്തിന്റെ ഉറവിടം എവിടെ നിന്നാണെന്നതില് വ്യക്തത ഉണ്ടായിട്ടില്ല. പരിശോധനകള് നടക്കുന്നതായി ആരോഗ്യവകുപ്പ് അറിയിച്ചു. രോഗ ലക്ഷണങ്ങളുമായി മറ്റ് ചിലരെ കൂടി കൊല്ലം ജില്ലയില് ആശുപത്രിയില് പ്രവേശിപ്പിച്ചുണ്ടെന്ന് വിവരമുണ്ട്.
Whatsapp Group 1 | Whatsapp Group 2 |Telegram Group
എട്ട് വിദ്യാര്ത്ഥികള്ക്ക് ഷിഗെല്ല സ്ഥിരീകരിച്ച വയനാട്ടില് കനത്ത ജാഗ്രത തുടരുകയാണ്. ജില്ലയിലെ 13 വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചിട്ടുണ്ട്.
സ്കൂളുകള്ക്ക് അവധി പ്രഖ്യാപിച്ച സാഹചര്യത്തില് വിദ്യാര്ത്ഥികളും രക്ഷിതാക്കളും അതീവ ജാഗ്രത പാലിക്കണമെന്ന് ആരോഗ്യവകുപ്പ് അറിയിച്ചു. രോഗം സ്ഥിരീകരിച്ച കുട്ടികളുടെ സമ്പര്ക്കപ്പട്ടികയിലുള്ള കുട്ടികള് പഠിക്കുന്ന സ്കൂളുകള്ക്കാണ് അവധി നല്കിയത്.
അതീവ ജാഗ്രത വേണമെന്നാണ് ആരോഗ്യവിഭാഗത്തിന്റെ മുന്നറിയിപ്പ്. കുട്ടികളുമായി അനാവശ്യ യാത്രകളും ചടങ്ങുകളിലെ പങ്കാളിത്തവും ബന്ധുവീട്ടിലെ സന്ദര്ശനവും ഒഴിവാക്കണം. തിളപ്പിച്ചാറ്റിയ വെള്ളം മാത്രം കുടിക്കാന് ഉപയോഗിക്കണം. പനി, വയറിളക്കം, വയറുവേദന, ഛര്ദ്ദി തുടങ്ങിയ ലക്ഷണങ്ങള് കണ്ടാല് സ്വയംചികിത്സ നടത്താതെ ആശുപത്രിയില് ചികിത്സ തേടണമെന്നും മുന്നറിയിപ്പുണ്ട്.
