തിരുവനന്തപുരം കോര്‍പറേഷനിലെ ശുചീകരണ തൊഴിലാളി കുത്തേറ്റ് മരിച്ചു; സഹപ്രവര്‍ത്തകനു വേണ്ടി അന്വേഷണം

സ്വന്തം ലേഖിക

തിരുവനന്തപുരം: കോര്‍പറേഷനിലെ ശുചീകരണ തൊഴിലാളിയായ യുവാവ് മറ്റൊരു ശുചീകരണ തൊഴിലാളിയുടെ കുത്തേറ്റ് മരിച്ചു.

രാജാജി നഗര്‍ സ്വദേശി ഷിബു രഞ്ചനാണ് മരിച്ചത്. രഞ്ജിത്ത് എന്നയാളാണ് കൊലപാതകം നടത്തിയതെന്നാണ് പൊലീസ് പറയുന്നത്. ഇയാള്‍ ഒളിവിലാണ്. കൊലപാതകത്തിന് കാരണം എന്താണെന്ന് വ്യക്തമല്ല. പ്രതിക്കുവേണ്ടി പൊലീസ് അന്വേഷണമാരംഭിച്ചു.