ആലപ്പുഴ: കുട്ടനാട് എംഎല്എ റെജി ചെറിയാൻ മദ്യപിച്ച് വാഹനം ഓടിച്ച് അപകടം ഉണ്ടാക്കിയെന്ന ഫേസ്ബുക്ക് പോസ്റ്റ് പിൻവലിച്ച് ഡിവൈഎഫ്ഐ ആലപ്പുഴ ജില്ലാ സെക്രട്ടറി ജെയിംസ് സാമുവല്.
ഇന്നലെ രാത്രിയാണ് റെജി ചെറിയാനെതിരെ ജെയിംസ് ഫേസ്ബുക്ക് കുറിപ്പ് ഇട്ടത്. ഇന്ന് രാവിലെയോടെ പോസ്റ്റ് ഒണ്ലി മീ എന്ന ഓപ്ഷനിലേക്ക് മാറ്റി. ഇതോടെ മാധ്യമപ്രവർത്തകർ വിവരം അന്വേഷിച്ചു.
അപ്പോള് പോസ്റ്റ് വീണ്ടും പബ്ലിക് ആക്കി. ശേഷം എംഎല്എക്കെതിരായ ആരോപണവുമായി വന്ന പോസ്റ്റ് വീണ്ടും പിൻവലിക്കുകയായിരുന്നു.
Whatsapp Group 1 | Whatsapp Group 2 |Telegram Group
കഴിഞ്ഞ ദിവസമാണ് ആലപ്പുഴ ചങ്ങനാശ്ശേരി റോഡില് ചമ്പക്കുളത്ത് രാത്രി എട്ട് മണിയോടെ റെജി ചെറിയാന്റെ കാറിടിച്ച് ബൈക്ക് യാത്രക്കാരന് പരിക്കേറ്റത്. നെടുമുടി സ്വദേശിയായ ബൈക്ക് യാത്രികൻ സുനീഷിനാണ് പരിക്കേറ്റത്.
അപകടം നടന്ന സമയത്ത് എംഎല്എയാണ് വാഹനം ഓടിച്ചതെന്നും എംഎല്എ മദ്യപിച്ചിരുന്നെന്നും ഡിവൈഎഫ്ഐ ജില്ലാ പ്രസിഡൻ്റ് ജെയിംസ് സാമുവല് ആരോപിച്ചു. എന്നാല്, ആരോപണങ്ങള് അടിസ്ഥാനരഹിതമാണെന്നും അമിതവേഗത്തില് എത്തിയ ബൈക്ക് കാറിലേക്ക് ഇടിച്ചു കയറുകയായിരുന്നെന്ന് റെജി ചെറിയാൻ പറഞ്ഞു.
