കോട്ടയത്തെ വിവിധ ദുരിതാശ്വാസ ക്യാമ്പുകളിലും സ്വകാര്യ ബാങ്ക് – ബ്ലേഡ് – ഗുണ്ടാ – സംഘങ്ങളുടെ പണപ്പിരിവ്; പ്രതിഷേധവുമായി സന്നദ്ധപ്രവര്ത്തകർ
സ്വന്തം ലേഖിക
കോട്ടയം: കോട്ടയത്തെ വിവിധ ദുരിതാശ്വാസ ക്യാമ്പുകളില് സ്വകാര്യ ബാങ്ക് ജീവനക്കാർ നടത്തിയ പണപ്പിരിവ് തടഞ്ഞു.
ഇന്നലെ വിവിധ ക്യാമ്പുകളില് സ്വകാര്യ ബാങ്ക് ജീവനക്കാരുടെ നേതൃത്വത്തില് പണപ്പിരിവ് നടത്താനുള്ള നീക്കം സന്നദ്ധപ്രവര്ത്തകരുടെ നേതൃത്വത്തില് തടഞ്ഞത്. ജില്ലാ ഭരണകൂടത്തിന്റെ നിര്ദേശപ്രകാരം വിജയപുരം പഞ്ചായത്തിന്റെ നേതൃത്വത്തില് കോട്ടയം മൗണ്ട് കാര്മല് സ്കൂളില് നടത്തുന്ന ദുരിതാശ്വാസ ക്യാമ്പിലാണ് പണപ്പിരിവ് നടത്താനുള്ള ശ്രമം ജില്ലാ പഞ്ചായത്തംഗം റെജി എം. ഫിലിപ്പോസ് നേതൃത്വത്തില് തടഞ്ഞത്.
Whatsapp Group 1 | Whatsapp Group 2 |Telegram Group
ദുരിതാശ്വാസ ക്യാമ്പുകളിലും കര്ശന നിയന്ത്രണങ്ങള് ഏര്പ്പെടുത്തണമെന്നും ഇത്തരം സ്വകാര്യ ബാങ്ക് – ബ്ലേഡ് – ഗുണ്ടാ – സംഘങ്ങളുടെ പണപ്പിരിവുകള് അനുവദിക്കാന് പാടില്ലെന്നും അത്തരക്കാര്ക്കെതിരേ കര്ശന നടപടികള് സ്വീകരിക്കണമെന്നും ആവശ്യപ്പെട്ട് റെജി എം. ഫിലിപ്പോസ് ജില്ലാ കളക്ടര്ക്കും ജില്ലാ പൊലീസ് ചീഫിനും പരാതി നല്കി.