നല്ല രസം ഉണ്ടാക്കൽ അത്ര ചില്ലറകാര്യമൊന്നുമല്ല. ദഹനത്തിനു സഹായിക്കുന്ന രസം ചോറിനൊപ്പം കഴിക്കുന്നത് പോലെ തന്നെ വെറുതെ കുടിക്കാനും ഒരു രസമാണ്. കിടിലൻ രുചിയില് ഒരു നാടൻ രസം ഉണ്ടാക്കിയാലോ? എളുപ്പത്തില് തന്നെ തയ്യാറാക്കാം. ഉച്ചയ്ക്ക് ഊണിന് ഇതുണ്ടെങ്കില് പിന്നെ മറ്റൊന്നും വേണ്ട.
ആവശ്യമായ ചേരുവകള്
1. തക്കാളി -വലിയ ഒന്ന് മുറിച്ചത്
2. ചുവന്നുള്ളി-മൂന്നോ നാലോ അല്ലിയും കൂടി 3. ചതച്ചെടുക്കുക
4. വെളുത്തുള്ളി -മൂന്നോ നാലോ അല്ലി
5. പച്ചമുളക്-രണ്ട്
6. മല്ലിയില
7. ഉപ്പ്
8. കടുക്
9. വറ്റല് മുളക്
10. മുളകുപൊടി-അര സ്പൂണ്
11. മല്ലിപൊടി-ഒരു സ്പൂണ്
12. മഞ്ഞള്പൊടി-അര സ്പൂണ്
13. കുരുമുളകുപൊടി-മുക്കാല് സ്പൂണ്
14. ഉലുവാപൊടി-അര സ്പൂണ്
15. കായം-കാല് സ്പൂണ് (ഒരു ചെറിയ കഷ്ണം)
16. പുളി- വെള്ളത്തിലിട്ടു കുതിര്ത്തു അരിച്ചെടുത്തത്
തയ്യാറാക്കുന്ന വിധം
ഒരു പാത്രം ചൂടാക്കി അതില് എണ്ണ ഒഴിച്ച് കടുക് പൊട്ടിക്കുക. പിന്നാലെ വറ്റല്മുളക് ചേര്ക്കുക. ശേഷം അതില് വെളുത്തുള്ളി, ചുവന്നുള്ളി ഇവ ചതച്ചത് ഇട്ട് നന്നയി വഴറ്റുക. ഇനി ഇതിലേക്ക് പൊടികള് എല്ലാം ഇട്ട് ചെറുതായി ഇളക്കുക. അവയുടെ പച്ചമണം മാറി വരുമ്പോൾ പുളി പിഴിഞ്ഞ വെള്ളവും തക്കാളിയും അതിലേക്കു ചേര്ത്ത് നന്നായി തിളപ്പിക്കുക. ശേഷം കായം, മല്ലിയില എന്നിവ ചേര്ക്കുക, രുചികരമായ രസം തയാർ.
Whatsapp Group 1 | Whatsapp Group 2 |Telegram Group
