കാര്മേഘം കണ്ട് തുടങ്ങുന്ന സമയം മുതല് മുന്കരുതല് വേണം; ഫെബ്രുവരി രണ്ട് വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യത; നിര്ദേശങ്ങളുമായി മുഖ്യമന്ത്രി
സ്വന്തം ലേഖിക
തിരുവനന്തപുരം: കേരളത്തില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നുള്ള മുന്നറിയിപ്പ് വന്നതിന് പിന്നാലെ നിര്ദേശങ്ങളുമായി മുഖ്യമന്ത്രി പിണറായി വിജയന്.
കാര്മേഘം കണ്ട് തുടങ്ങുന്ന സമയം മുതല് തന്നെ മുന്കരുതലെടുക്കണമെന്ന് മുഖ്യമന്ത്രി നിര്ദേശിച്ചു.
Whatsapp Group 1 | Whatsapp Group 2 |Telegram Group
ഇടിമിന്നല് ദൃശ്യമല്ല എന്നതിനാല് മുന്കരുതല് സ്വീകരിക്കുന്നതില് നിന്നും വിട്ടുനില്ക്കരുത്.
ഇന്ന് മുതല് ഫെബ്രുവരി രണ്ട് വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളത്. അതോടൊപ്പം കേരള തീരത്ത് നിന്ന് മല്സ്യബന്ധനത്തിന് പോയവരോട് മടങ്ങിയെത്താന് അടിയന്തര നിര്ദ്ദേശവും നല്കിയിട്ടുണ്ട്.
തെക്ക്-പടിഞ്ഞാറന് ബംഗാള് ഉള്ക്കടലില് രൂപം കൊണ്ട തീവ്ര-ന്യൂനമര്ദത്തിന്റെ സ്വാധീനം കന്യാകുമാരി തീരം വരെ എത്തുമെന്ന് പ്രതീക്ഷിക്കുന്നതിനാല് കേരള തീരത്ത് നിന്ന് മത്സ്യബന്ധനത്തിന് പോയവര് 2023 ജനുവരി 31 നോട് കൂടി തിരിച്ച് സുരക്ഷിത തീരത്തേക്ക് മടങ്ങണമെന്ന് കേന്ദ്ര കാലാവസ്ഥ വകുപ്പ് നിര്ദേശിച്ചിട്ടുണ്ട്.
മുന്നറിയിപ്പില് മാറ്റം വരുന്നത് വരെ കേരള തീരത്ത് നിന്ന് ആരും മത്സ്യബന്ധനത്തിന് പോകാന് പാടുള്ളതല്ല.
