പുതുപ്പള്ളിയിൽ ഉമ്മന്ചാണ്ടിക്ക് പകരമാര്…? ഒരുക്കങ്ങളിലേക്ക് കടന്ന് കോണ്ഗ്രസ്; കോട്ടയത്ത് ഇന്ന് നിര്ണായക യോഗം; പ്രതിപക്ഷ നേതാവ് വി ഡി സതീശനടക്കം പങ്കെടുക്കും
സ്വന്തം ലേഖിക
കോട്ടയം: ഉമ്മൻ ചാണ്ടിക്ക് പകരക്കാരനായി ആരാകും പുതുപ്പള്ളിയിലെ കോണ്ഗ്രസിന്റെ സ്ഥാനാര്ത്ഥി എന്നറിയാനുള്ള ആകാംക്ഷ തുടരുകയാണ്.
ഉമ്മൻ ചാണ്ടിയുടെ കുടുംബത്തില് നിന്നാകും സ്ഥാനാര്ത്ഥിയെന്ന തീരുമാനത്തിലേക്കാണ് കോണ്ഗ്രസ് എത്തുന്നതെന്ന സൂചനകള് ആദ്യം മുതലെ പുറത്തുവന്നിരുന്നു. എന്നാല് അന്തിമ തീരുമാനം ഇനിയും ആയിട്ടില്ല.
Whatsapp Group 1 | Whatsapp Group 2 |Telegram Group
ഇക്കാര്യത്തിലും പുതുപ്പളളി ഉപതിരഞ്ഞെടുപ്പ് മുന്നൊരുക്കത്തിന്റെയും ഭാഗമായി കോട്ടയം ജില്ലയിലെ പ്രധാന കോണ്ഗ്രസ് നേതാക്കളുടെ യോഗം ഇന്നു ചേരാൻ തീരുമാനിച്ചിരിക്കുകയാണ്.
ഉച്ചകഴിഞ്ഞ് മൂന്നു മണിക്ക് ചേരുന്ന യോഗത്തില് പ്രതിപക്ഷ നേതാവ് വി ഡി സതീശനടക്കം പങ്കെടുക്കും. തിരഞ്ഞെടുപ്പിന്റെ പ്രധാന ചുമതല തിരുവഞ്ചൂര് രാധാകൃഷ്ണനും, കെ സി ജോസഫിനും നല്കിയിരുന്നു.
തിരഞ്ഞെടുപ്പിനു മുന്നോടിയായി നടത്തേണ്ടുന്ന സംഘടനാപരമായ തയാറെടുപ്പുകളെ കുറിച്ചാകും ഇന്നത്തെ യോഗം പ്രധാനമായും ചര്ച്ച ചെയ്യുക.