സ്വന്തം ലേഖകൻ
നാദാപുരം: ഭാര്യയുടെ 31 പവൻ സ്വർണം കൈക്കലാക്കി മുത്തലാഖ് ചൊല്ലി ഉപേക്ഷിച്ച് നാടുവിട്ട യുവാവ് പൊലീസ് പിടിയിൽ.
കോടഞ്ചേരി സ്വദേശിനിയായ ഷിഹാന തസ്നീം(20)നെ ഉപേക്ഷിച്ചാണ് യുവാവ് കടന്നുകളഞ്ഞത്. സംഭവത്തിൽ താനക്കോട്ടൂർ അന്തോളച്ചാലിൽ ഞാലിയോട്ടുമ്മൽ ജാഫർ (27)നെയാണ് പൊലീസ് പിടികൂടിയത്.
Whatsapp Group 1 | Whatsapp Group 2 |Telegram Group
വിവാഹ സമയത്ത് യുവതിക്ക് വീട്ടുകാർ നൽകിയ സ്വർണാഭരണത്തിൽ 31 പവൻ കൈക്കലാക്കിയ ശേഷം മുത്തലാഖ് ചൊല്ലി ഭാര്യയെ ഉപേക്ഷിച്ച ശേഷം ഗൾഫിലേക്ക് കടക്കുകയായിരുന്നു.
തിരികെ നാട്ടിലേക്ക് വരുന്ന വഴി കണ്ണൂർ വിമാനത്താവളത്തിൽ വച്ചായിരുന്നു ഇയാളെ പോലീസ് അറസ്റ്റ് ചെയ്തത്. വളയം പോലീസ് രജിസ്റ്റർ ചെയ്ത കേസിലാണ് അറസ്റ്റ്.
ഷിഹാന തസ്നീം മുസ്ലീം വിമൻസ് പ്രൊട്ടക്ഷൻ ഓഫ് റൈറ്റ് ഓൺ മാരേജ് 2019 ആക്ട് പ്രകാരം നൽകിയ പരാതിയിലാണ് പൊലീസ് കേസെടുത്തത്. ജാഫറിന്റെ മാതാപിതാക്കളും ബന്ധുക്കളും കേസിൽ പ്രതികളാണ്.
