ആളൊഴിഞ്ഞ വീട്ടുപറമ്പിൽ എത്തിച്ച് പ്രായപൂർത്തിയാകാത്ത ആൺകുട്ടിയെ പീഡിപ്പിച്ചു ; പ്രതി പിടിയിൽ

പഴയങ്ങാടി : പ്രായപൂർത്തിയാകാത്ത ആൺകുട്ടിയെ ലൈഗീക പീഡനത്തിന് ഇരയാക്കിയ 52 വയസുകാരൻ അറസ്റ്റില്‍.

ഏഴോം കൊട്ടില സ്വദേശിയായ അബ്ദുള്‍ ഖാദറി (52)നെയാണ് പഴയങ്ങാടി സ്റ്റേഷൻ ഓഫീസർ സത്യനാഥിൻ്റെ നേതൃത്വത്തിലുള്ള പൊലിസ് സംഘം അറസ്റ്റ് ചെയ്തത്.

നബി ദിന പരിപാടികള്‍ക്ക് എത്തിയ 15 കാരനെ പ്രലോഭിപ്പിച്ച്‌ ആളൊഴിഞ്ഞ വിട്ടുപറമ്ബിലേക്ക് കൂട്ടി കൊണ്ടുപോയി ഇയാള്‍ പീഡിപ്പിക്കുകയായിരുന്നു.

ഭയന്ന് നിലവിളിച്ചോടിയ കുട്ടി വീട്ടുകാരോട് വിവരം ധരിപ്പിച്ചതിൻ്റെ അടിസ്ഥാനത്തില്‍ പഴയങ്ങാടി പോലിസില്‍ പരാതി നല്‍കുകയും. തുടർന്ന് കേസെടുത്ത് പൊലിസ് പ്രതിയെ പിടി കൂടുകയുമായിരുന്നു. സ്റ്റേഷനില്‍ എത്തിയ പ്രതിയെ അവശതയെ തുടർന്ന് കണ്ണൂർ പരിയാരം മെഡിക്കല്‍ കോളേജില്‍ പ്രവേശിപ്പിച്ചു.