ശിവശങ്കരന്റെ തടവറയിലാണ് പിണറായി : എ.എൻ.രാധാകൃഷ്ണൻ

സ്വന്തം ലേഖകൻ

കോട്ടയം:- മുഖ്യമന്ത്രി പിണറായി വിജയൻ രാജി വയ്ക്കണമെന്നാവശ്യപ്പെട്ട് ഒ ബി സി മോർച്ച കോട്ടയം ജില്ലാ കമ്മറ്റി കളക്ട്രേറ്റ് ധർണ്ണ നടത്തി. ബി.ജെ.പി സംസ്ഥാന ഉപാധ്യക്ഷൻ എ എൻ രാധാകൃഷ്ണൻ പ്രതിഷേധയോഗം ഉത്ഘാടനം ചെയ്തു.

കേരളത്തിൽ ഇത്രയും കാലം ഒരു സർക്കാരുണ്ടോ എന്ന സംശയം സ്വർണ്ണക്കടത്തോടെ മാറി. കാരണം മുഖ്യമന്ത്രിയും മുഖ്യമന്ത്രിയുടെ ഓഫീസും പ്രിൻസിപ്പൽ സെക്രട്ടറിയും അടങ്ങുന്ന കള്ളക്കടത്തുമാഫിയയാണ് ഇത്രയും കാലം കേരളത്തെ നിയന്ത്രിച്ചിരുന്നതെന്ന് ഇതോടെ കേരളമറിഞ്ഞു.

ഇത് കേവലം സ്വർണ്ണക്കടത്ത് മാത്രമല്ല ഹവാല ഭീകരവാദ ബന്ധങ്ങളുടെ കോർഡിനേഷൻ സംവിധാനവുമായിരുന്നു മുഖ്യമന്ത്രിയുടെ ഓഫീസ് എന്നതിലേക്കാണ് കാര്യങ്ങൾ വിരൽ ചൂണ്ടുന്നത്. അതു കൊണ്ട് തന്നെയാണ് എൻ ഐ എ അന്വേഷണം കേന്ദ്രം പ്രഖ്യാപിച്ചതും.

ഇത്രയും കാലം കൊലപാതക രാഷ്ടീയത്തിന്റെ പിതാവ് എന്ന പേരായിരുന്നു പിണറായിക്കെങ്കിൽ ,ഇതോടെ കൊള്ളത്തലവൻ എന്നപേരും വീണു. യഥാർത്ഥ കമ്യൂണിസ്റ്റുകൾ പോലും വെറുക്കുന്ന പിണറായിയുഗത്തിന് ഇതോടെ അവസാനമാകും. എ.എൻ.രാധാകൃഷ്ണൻ ഉത്ഘാടന പ്രസംഗത്തിൽ സൂചിപ്പിച്ചു.

ഒ ബി സി മോർച്ച ജില്ലാ അധ്യക്ഷൻ രവിന്ദ്രനാഥ് വാകത്താനത്തിന്റെ അധ്യക്ഷതയിൽ കൂടിയ യോഗം എ.എൻ.രാധാകൃഷണൻ ഉത്ഘാടനം ചെയ്തു.ബി.ജെ.പി സംസ്ഥാന സമിതിയംഗം എൻ.ഹരി, ബി.ജെ.പി ജില്ലാ അധ്യക്ഷൻ അഡ്വ:നോബിൾമാത്യു, ബി.ജെ.പി.ജില്ലാ ജനറൽ സെക്രട്ടറി ലിജിൻലാൽ, ടി.എൻ.ഹരി, ഒ ബി സി സംസ്ഥാന സെക്രട്ടറി ജയപ്രകാശ് വാകത്താനം, അഖിൽ രവിന്ദ്രൻ, കെ.പി.ഭുവനേശ്, ലാൽകൃഷ്ണ, സി.ആർ.രാധാകൃഷ്ണൻ ,എൻ.ടി.പൊന്നപ്പൻ, രാജീവ്പാല, കെ.വി സുഗുണൻ,സാബു കമ്മോടത്ത്, അനിൽകുമാർ, വി.പി. മുകേഷ് എന്നിവർ പ്രതിഷേധസമരത്തിന് നേതൃത്വം നൽകി സംസാരിച്ചു.