പെട്രോൾ ഡീസൽ വില വർദ്ധനയ്‌ക്കെതിരെ തിരുവാർപ്പ് കോൺഗ്രസ് മണ്ഡലം കമ്മിറ്റി പ്രതിഷേധിച്ചു

സ്വന്തം ലേഖകൻ

തിരുവാർപ്പ് : കോൺഗ്രസ് തിരുവാർപ്പ് മണ്ഡലം കമ്മറ്റിയുടെ ആഭിമുഖ്യത്തിൽ അനിയന്ത്രിതമായ പെട്രോൾ , ഡീസൽ വില വർദ്ധനവിനെതിരെ കോവിഡ് നിയന്ത്രണങ്ങൾ പാലിച്ച് കൊണ്ട് ചക്ര സ്തഭന സമരം നടത്തി.

ഇരുചക്രവാഹനങ്ങൾ തള്ളി ക്കൊണ്ടാണ് പ്രതിക്ഷേധ സമരം നടത്തിയത്. കോൺഗ്രസ് മണ്ഡലം പ്രസിഡന്റ് റൂബി ചാക്കോ അദ്ധ്യക്ഷത വഹിച്ചു.

ഡി.സി.സി വൈസ് പ്രസിഡണ്ട് അഡ്വ. ജി.ഗോപകുമാർ ഉദ്ഘാടനം ചെയ്തു .വി എ വർക്കി , സക്കീർ ചങ്ങംപള്ളി ,തൽഹത്ത് അയ്യൻ കോയിക്കൽ , ഒ എൻ സുരേഷ് , ലിജോ പാറെകുന്നുംപുറം, അനൂപ് കൊറ്റമ്പടം , സോണി മണിയാങ്കേരി , അൻവർ പാഴൂർ , അശ്വിൻ മണലേൽ തുടങ്ങിയവർ നേത്യുത്വം നൽകി .