മൂന്ന് ദിവസത്തെ പരിശീലനത്തിന് മധ്യപ്രദേശിലെത്തിയ പത്തനംതിട്ട നഗരസഭാ സെക്രട്ടറി ഹൃദയാഘാതത്തെ തുടർന്ന് മരിച്ചു; മരിച്ചത് ഇടുക്കി മൂലമറ്റം സ്വദേശി കെ.കെ സജിത്ത് കുമാർ

സ്വന്തം ലേഖിക

കോഴിക്കോട്: പത്തനംതിട്ട നഗരസഭ സെക്രട്ടറി കെ.കെ സജിത്ത് കുമാർ (47) മധ്യപ്രദേശിൽ ഹൃദയാഘാതത്തെ തുടർന്ന് മരിച്ചു.

രാവിലെ ശാരീരിക അസ്വസ്ഥതകളെ തുടർന്ന് ആശുപതിയിൽ എത്തിച്ചെങ്കിലും രക്ഷിക്കാനായില്ല.

പരിശീലനത്തിന്റെ ഭാഗമായി ഇൻഡോറിൽ ആയിരുന്നു സജിത്ത് കുമാർ. ഖരമാലിന്യ സംസ്കരണത്തെക്കുറിച്ചുള്ള മൂന്ന് ദിവസത്തെ പരിശീലനത്തിനെത്തിയ കേരളത്തില്‍നിന്നുള്ള 35 അംഗ സംഘത്തിന്റെ ഭാഗമായിരുന്നു സജിത്.

ഇടുക്കി മൂലമറ്റം അറക്കുളം 13-ാം മൈല്‍ സ്വദേശിയാണ്. സംസ്കാരം വ്യാഴാഴ്ച രണ്ടിന് തൊടുപുഴ മുൻസിപ്പല്‍ വൈദ്യുത ശ്മശാനത്തില്‍ നടക്കും.

ഭാര്യ: നിഷ ശ്രീധര്‍ (ജോയിന്റ് സെക്രട്ടറി, സെക്രട്ടേറിയറ്റ്). മക്കള്‍: കൃഷ്ണ സജിത്, അഭിരാം എസ്, സഹോദരൻ: അജിത് കുമാര്‍ കെ.കെ. (കെ.എസ്.ഇ.ബി. സബ് എൻജിനിയര്‍, സഹോദരി: ഷീന.