പഞ്ചായത്ത് വൈസ് പ്രസിഡന്റ് ഫോണില്‍ വിളിച്ച് വധ ഭീഷണി മുഴക്കിയതായി പൊലീസില്‍ പരാതി നല്‍കി മധ്യമപ്രവര്‍ത്തകൻ
സ്വന്തം ലേഖകൻ
കുമരകം: പഞ്ചായത്ത് വൈസ് പ്രസിഡന്റ് ഫോണില്‍ വിളിച്ച് വധ ഭീഷണി മുഴക്കിയതായി മാധ്യമപ്രവര്‍ത്തകന്‍ പൊലീസില്‍ പരാതി നല്‍കി.
കുമരകം പഞ്ചായത്ത് വൈസ് പ്രസിഡന്റ് വി.കെ. ജോഷിക്കെതിരേ മാധ്യമപ്രവര്‍ത്തകനായ എസ്.ഡി. റാമാണ് പരാതി നല്‍കിയിരിക്കുന്നത്.
കഴിഞ്ഞദിവസം രണ്ടാം വാര്‍ഡിലെ കരീപ്പള്ളിക്ക് സമീപ പ്രദേശങ്ങളില്‍ വൈദ്യുതി ബന്ധം തകരാറിലായി മണിക്കൂര്‍ പിന്നിട്ടിട്ടും നടപടിയുണ്ടാകാത്തതിനെ തുടര്‍ന്ന് വാട്സാപ്പ് ഗ്രൂപ്പില്‍ പോസ്റ്റ് ഇട്ടതാണ് പ്രകോപനത്തിനു കാരണമെന്ന് പറയുന്നു.
Whatsapp Group 1 | Whatsapp Group 2 |Telegram Group
പഞ്ചായത്ത് ഭരണ സമിതിക്കും ഭരണകക്ഷി അംഗങ്ങള്‍ക്കുമെതിരേ വ്യാജ വാര്‍ത്തകള്‍ സോഷ്യല്‍ മീഡിയയില്‍ നിരന്തരം പ്രചരിപ്പിച്ചതില്‍ പ്രതിഷേധം അറിയിച്ചതുമത്രമാണ് ചെയ്തതെന്ന് വൈസ് പ്രസിഡന്റ് പറഞ്ഞു.
സംഭവത്തില്‍ കേരള ജേര്‍ണലിസ്റ്റ് യൂണിയന്‍ (കെജെയു) പ്രതിഷേധിച്ചു. കേസ് അന്വേഷണത്തിനായി ഇരുവരേയും സ്റ്റേഷനിലേക്ക് വിളിപ്പിച്ചിട്ടുള്ളതായി കുമരകം സിഐ ബിന്‍സ് ജോസഫ് പറഞ്ഞു.
