കോട്ടയം പനച്ചിക്കാട് ദക്ഷിണമൂകാംബിക നവരാത്രി മഹോത്സവം: ഒക്ടോബർ 2 മുതൽ 13 വരെ: ഒക്ടോബർ 12ന് മഹാനവമി ദർശനം: 13ന് രാവിലെ 4 മണിക്ക് പൂജയെടുപ്പോടെ വിദ്യാരംഭം.

കോട്ടയം: പനച്ചിക്കാട് ദക്ഷിണമൂകാംബികയിലെ നവ രാത്രി മഹോത്സവത്തിന് തുടക്കമായി. ഒക്ടോബ 13.-ന് സമാപനം. കലോപാസകരുടെ എണ്ണത്തിലുള്ള വർദ്ധനമൂലം ഒരുദിവസംകൂടി ഉൾപ്പെടുത്തി കലോപാസന ആരംഭിക്കുവാൻ ദേവസ്വം തീരുമാനിച്ചു.

നവരാത്രി നാളുകളിൽ ക്ഷേത്രാനുഷ്‌ഠാനങ്ങൾക്കൊപ്പം വിശേഷാൽ പൂജകളായ മുറജപം, പുരുഷ സൂക്‌താർ ച്ചന, ചക്രാബ്ജപൂജ, പുഷ്പാഭിഷേകം, നിറമാല, സാരസ്വത സൂക്‌താർച്ചന തുടങ്ങിയ പൂജകൾ തന്ത്രിമുഖ്യൻ പെരിഞ്ഞേരിമന വാസുദേവൻ നമ്പൂതിരിപ്പാടിൻ്റെ മുഖ്യ കാർമികത്വത്തിൽ നടക്കും. ഒക്ടോബർ 10 വ്യാഴം വൈകിട്ട് വിശിഷ്ട‌ഗ്രന്ഥങ്ങൾ

വഹിച്ചുകൊണ്ടുള്ള രഥഘോഷയാത്രയും ഗ്രന്ഥമെഴുന്നള്ളത്തും പൂജവയ്‌പും നടക്കും.ഒക്ടോബർ 12ന് മഹാനവമി ദർശനം, 13ന് രാവിലെ 4 മണിക്ക് പൂജയെടുപ്പോടെ വിദ്യാരംഭത്തിനു തുടക്കമാകുന്നു. നവരാത്രി ആഘോഷത്തോടനുബന്ധിച്ച് കലാമണ്ഡപത്തിൽ രാപകൽ ഭേദമെന്യേ വിവിധ കലാപരിപാടികൾ അരങ്ങേറുന്നതോടൊപ്പം ദേശീയസംഗീത നൃത്തോത്സവവും നടക്കും.

,