കോട്ടയം പള്ളത്ത് വാഹനങ്ങളുടെ കൂട്ടയിടി; കെഎസ്ആർടിസി ബസും, കാറും, പിക്കപ്പ് വാനും തമ്മിൽ കൂട്ടിയിടിച്ച് രണ്ട് പേർക്ക് പരിക്കേറ്റു

സ്വന്തം ലേഖകൻ

കോട്ടയം: പള്ളത്ത് വാഹനങ്ങൾ കൂട്ടിയിടിച്ച് രണ്ട് പേർക്ക് പരിക്ക്.

തിരുവല്ലയിൽ നിന്നും കോട്ടയത്തേക്ക് പോവുകയായിരുന്ന കെ എസ് ആർടിസി ബസും, കോയമ്പത്തൂർ സ്വദേശികളായ ശബരിമല തീർഥാടകർ സഞ്ചരിച്ച കാറും, പിക്കപ്പ് വാനും മറ്റൊരു കാറുമാണ് കൂട്ടിയിടിച്ചത്.

പിക്കപ്പ് വാനിൽ ഉണ്ടായിരുന്ന രണ്ട് പേർക്കാണ് അപകടത്തിൽ പരിക്കേറ്റത്.

മുന്നിൽ പോയ കാർ അപ്രതീക്ഷിതമായി ബ്രേക്കിട്ടതോടെയാണ് വാഹനങ്ങൾ തമ്മിൽ കൂട്ടിയിടിച്ചത്.