സ്വന്തം ലേഖിക
തിരുവനന്തപുരം: മത വിദ്വേഷ പ്രസംഗകേസിൽ പി സി ജോര്ജ് റിമാൻഡിൽ.
പതിനാല് ദിവസത്തേക്കാണ് റിമാൻഡ് ചെയ്തിരിക്കുന്നത്.
പൂജപ്പുര ജില്ലാ ജയിലിലേക്ക് മാറ്റും.
വഞ്ചിയൂര് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയാണ് റിമാൻഡ് ചെയ്തത്.
Whatsapp Group 1 | Whatsapp Group 2 |Telegram Group
മുന്കൂര് ജാമ്യത്തിന്റെ ഉപാധികള് ലംഘിച്ച പശ്ചാത്തലത്തിലാണ് റിമാന്ഡ്. പൊലീസു കാരണം പി.സി.ജോര്ജിന് ജീവിക്കാന് കഴിയുന്നില്ലെന്ന് പി.സി.ജോര്ജിനെ കോടതിയില് ഹാജരാക്കിയപ്പോള് അഭിഭാഷകന് പറഞ്ഞു.
അതേസമയം സര്ക്കാര് നീക്കം രാഷ്ട്രീയപ്രേരിതമെന്ന് പി.സി.ജോര്ജ് പറഞ്ഞു. താന് തെറ്റ് ചെയ്തിട്ടില്ല. സമൂഹം വിലയിരുത്തട്ടെയെന്നും പി.സി.ജോര്ജ് പറഞ്ഞു. നോട്ടീസ് കിട്ടിയപ്പോള് പാലാരിവട്ടം പൊലീസിന് മുന്നില് ഹാജരായതാണ്. എന്തിനാണ് എന്നെ ഇങ്ങനെ ദഹണിച്ചു കൊണ്ട് നടക്കുന്നതെന്ന് പൊലീസിനോടും അതിന്റെ ഭരണകര്ത്താക്കളോടും ചോദിക്കണം.
കോടതി അനുവാദിക്കാത്തതുകൊണ്ട് കൂടുതലൊന്നും പറയാനില്ല. കോടതി ജാമ്യം അനുവദിച്ചാല് കൂടുതല് കാര്യങ്ങള് പറയുമെന്നും പി.സി.ജോര്ജ് പറഞ്ഞു. മജിസ്ട്രേറ്റിന് മുന്നില് ഹാജരാക്കുന്നതിന് മുന്പ് വൈദ്യ പരിശോധനക്കെത്തിച്ചപ്പോഴായിരുന്നു പി.സി.ജോര്ജിന്റെ പ്രതികരണം.
