പി സി ജോര്ജിനെ പൂജപ്പുര ജില്ലാ ജയിലിലേക്ക് മാറ്റി; മാറ്റിയത് വൈദ്യ പരിശോധനയ്ക്ക് ശേഷം
സ്വന്തം ലേഖിക
തിരുവനന്തപുരം: അനന്തപുരി മതവിദ്വേഷ പ്രസംഗക്കേസില് പി.സി.ജോര്ജിനെ തിരുവനന്തപുരം വഞ്ചിയൂര് ഫസ്റ്റ് ക്ലാസ് മജിസ്ട്രേറ്റ് കോടതി (രണ്ട്) റിമാന്ഡ് ചെയ്തതിനെ തുടര്ന്ന് പി.സി.ജോര്ജിനെ പൂജപ്പുര ജില്ലാ ജയിലിലേക്ക് മാറ്റി.
14 ദിവസത്തേക്കാണ് റിമാന്ഡ് ചെയ്തിരിക്കുന്നത്. മുന്കൂര് ജാമ്യത്തിന്റെ ഉപാധികള് ലംഘിച്ച പശ്ചാത്തലത്തിലാണ് റിമാന്ഡ്. ജയിലിലേക്ക് മാറ്റുന്നതിന് മുന്നോടിയായി പി.സി.ജോര്ജിനെ വൈദ്യ പരിശോധനക്കായി വീണ്ടും തിരുവനന്തപുരം ജനറല് ആശുപത്രിയില് എത്തിച്ചിരുന്നു.
Whatsapp Group 1 | Whatsapp Group 2 |Telegram Group
സുരക്ഷ മുന്നിര്ത്തി വാഹനത്തില് വെച്ച് തന്നെ കോവിഡ് പരിശോധനയുള്പ്പെടെയുള്ള വൈദ്യ പരിശോധന പൂര്ത്തിയാക്കി. കോവിഡ് പരിശോധന ഫലം നെഗറ്റീവ് ആയതിനെ തുടര്ന്നാണ് ജില്ലാ ജയിലിലേക്ക് മാറ്റിയത്.
പൊലീസു കാരണം പി.സി.ജോര്ജിന് ജീവിക്കാന് കഴിയുന്നില്ലെന്ന് പി.സി.ജോര്ജിനെ കോടതിയില് ഹാജരാക്കിയപ്പോള് അദ്ദേഹത്തിന്റെ അഭിഭാഷകന് പറഞ്ഞു. എന്നാല് പൊലീസിനെതിരെ തനിക്ക് പരാതിയില്ലെന്ന് പി.സി.ജോര്ജും കോടതിയില് വ്യക്തമാക്കി.
പി.സി.ജോര്ജിനെ ഏത് വിധേനെയും ജയിലിലടക്കാനാണ് പൊലീസ് നീക്കം. ഇതാണ് ഇന്നലെ രാത്രി കണ്ടതെന്നും അഭിഭാഷകന് കോടതിയെ അറിയിച്ചു. പൊലീസ് മര്ദ്ദിക്കുമോയെന്ന് ഭയമുണ്ടോയെന്ന് പി.സി.ജോര്ജിനോട് ചോദിച്ചപ്പോള് തനിക്ക് ഒന്നിനേയും ഭയമില്ലെന്ന് മറുപടി നല്കി.
അതേസമയം സര്ക്കാര് നീക്കം രാഷ്ട്രീയപ്രേരിതമെന്ന് പി.സി.ജോര്ജ് പറഞ്ഞു. താന് തെറ്റ് ചെയ്തിട്ടില്ല. സമൂഹം വിലയിരുത്തട്ടെയെന്നും പി.സി.ജോര്ജ് പറഞ്ഞു. നോട്ടീസ് കിട്ടിയപ്പോള് പാലാരിവട്ടം പൊലീസ് മുന്നില് ഹാജരായതാണ്. എന്തിനാണ് എന്നെ ഇങ്ങനെ ദഹണിച്ചു കൊണ്ട് നടക്കുന്നതെന്ന് പൊലീസിനോടും അതിന്റെ ഭരണ കര്ത്താക്കളോടും ചോദിക്കണം. കോടതി അനുവാദിക്കാത്തതുകൊണ്ട് കൂടുതലൊന്നും പറയാനില്ല. കോടതി ജാമ്യം അനുവദിച്ചാല് കൂടുതല് കാര്യങ്ങള് പറയുമെന്നും പി.സി.ജോര്ജ് പറഞ്ഞു. മജിസ്ട്രേറ്റിന് മുന്നില് ഹാജരാക്കുന്നതിന് മുന്പ് വൈദ്യ പരിശോധനക്കെത്തിച്ചപ്പോഴായിരുന്നു പി.സി.ജോര്ജിന്റെ പ്രതികരണം.