ട്രെയിലറിൽ മമ്മൂട്ടിയുടെ ശബ്ദം…!!പക്ഷെ “സിനിമയില്‍ മമ്മൂട്ടിയുണ്ടോ എന്നറിയില്ല,54 ദിവസവും ഞാൻ സെറ്റില്‍ ഉണ്ട്,എന്നാൽ മമ്മൂട്ടിയെ കണ്ടിട്ടില്ല”;ജയറാം.
സ്വന്തം ലേഖിക
ജയറാമിനെ നായകനാക്കി മിഥുൻ മാനുവല്‍ തോമസ് സംവിധാനം ചെയ്യുന്ന ഏറ്റവും പുതിയ ചിത്രമാണ് ‘എബ്രഹാം ഓസ്ലര്.ജയറാമിന്റെ നല്ലൊരു തിരിച്ചുവരവാകും എന്ന പ്രതീക്ഷയിലാണ് മലയാള സിനിമ പ്രേക്ഷകർ.മെഗാസ്റ്റാര്‍ മമ്മൂട്ടിയും ഓസ്‌ലറില്‍ നിര്‍ണായക വേഷത്തില്‍ എത്തുന്നുണ്ടെന്നത് ആരാധകരുടെ പ്രതീക്ഷ ഇരട്ടിയാക്കിയിട്ടുണ്ട്. എന്നാല്‍ ഓസ്‌ലറിലെ മമ്മൂട്ടിയുടെ ലുക്കോ കഥാപാത്രത്തെ കുറിച്ചുള്ള വിവരങ്ങളോ അണിയറ പ്രവര്‍ത്തകര്‍ ഇതുവരെ പുറത്തുവിട്ടിട്ടില്ല. എന്നാല്‍ മമ്മൂട്ടി ഈ ചിത്രത്തില്‍ ഉണ്ടോ എന്ന് പോലും തനിക്ക് അറിയില്ലെന്നാണ് നായകനായ ജയറാം പറയുന്നത്. ഒരു മാധ്യമത്തിന് നല്‍കിയ അഭിമുഖത്തിലാണ് ഓസ്‌ലറില്‍ മമ്മൂട്ടിയുണ്ടോ എന്ന് തനിക്കറിയില്ലെന്ന് ജയറാം പറഞ്ഞത്.
‘ താൻ 54 ദിവസം സെറ്റില്‍ ഉണ്ടായിരുന്നു. അത്രയും ദിവസം മമ്മൂടിയെ താൻ സെറ്റില്‍ കണ്ടിട്ടില്ല . എന്നാല്‍ മറ്റു സിനിമകളുടെ പ്രൊമോഷനിടക്ക് ജയറാമിനോട് ഇക്കാര്യം ചോദിച്ചപ്പോള്‍ എല്ലാം സര്‍പ്രൈസാണ് എന്ന തരത്തിലാണ് ജയറാം അന്ന് സംസാരിച്ചത്. അതേസമയം ഓസ്ലര് ട്രെയ്‌ലറില്‍ മമ്മൂട്ടി ശബ്ദം കൊണ്ട് സാന്നിധ്യം അറിയിച്ചിരുന്നു. നിര്‍ണായക വേഷത്തില്‍ തന്നെയായിരിക്കും മമ്മൂട്ടി ചിത്രത്തില്‍ എത്തുകയെന്ന് ട്രെയ്‌ലറില്‍ നിന്ന് വ്യക്തമാണ്.ട്രെയിലറിന്റെ അവസാന ഭാഗത്താണ് മമ്മൂട്ടിയുടെ ശബ്ദം കേള്‍ക്കുന്നത്.ട്രെയിലറിന്റെ അവസാനം ‘ഡെവിള്‍സ് ആള്‍ട്ടര്‍നേറ്റീവ്’ എന്ന ഡയലോഗ് പറയുന്നത് മമ്മൂട്ടിയാണ്.
Whatsapp Group 1 | Whatsapp Group 2 |Telegram Group
ശ്രദ്ധിച്ചു കേട്ടാല്‍ മാത്രമേ ഇത് മനസിലാകൂ. ട്രെയിലർ ഇറങ്ങി ഏതാനും മിനിറ്റുകള്‍ കഴിഞ്ഞപ്പോള്‍ തന്നെ മമ്മൂട്ടിയുടെ ശബ്ദം ആരാധകര്‍ തിരിച്ചറിഞ്ഞു. അത് മാത്രമല്ല മമ്മൂട്ടിയുടെ ലൊക്കേഷൻ ചിത്രങ്ങളും പുറത്തായിരുന്നു. കഴിഞ്ഞ ദിവസമാണ് ‘ഓസ്‍ലറി’ന്റെ ട്രെയിലര്‍ അണിയറപ്രവര്‍ത്തകര്‍ പുറത്തുവിട്ടിരുന്നത്. മെഡിക്കല്‍- ത്രില്ലര്‍ ജോണറിലാണ് ചിത്രമെത്തുന്നത്. എബ്രഹാം ഓസ്‌ലറിന്റെ ട്രെയ്ലര് സോഷ്യല്‍ മീഡിയയില്‍ വൈറലായി മാറിയിരുന്നു.മെഡിക്കല്‍ ത്രില്ലറായ ചിത്രത്തിന്റെ ട്രെയ്‌ലറില്‍ ഒട്ടേറെ സസ്‌പെന്‍സുകള്‍ ഒളിഞ്ഞു കിടപ്പുണ്ട്. അതിലൊന്നാണ് മെഗാസ്റ്റാര്‍ മമ്മൂട്ടിയുടെ സാന്നിധ്യം.
അതേസമയം ശബ്ദം കൊണ്ട് മാത്രമല്ല മമ്മൂട്ടി ട്രെയ്‌ലറില്‍ ഉള്ളതെന്നും ആരാധകര്‍ കണ്ടെത്തിയിരുന്നു. മമ്മൂട്ടിയുടെ ശാരീരിക സാന്നിധ്യവും ട്രെയ്‌ലറില്‍ ഉണ്ടെന്നാണ് ആരാധകരുടെ കണ്ടെത്തല്‍. ട്രെയ്‌ലറിനു ഇടയില്‍ മെഡിക്കല്‍ വസ്ത്രങ്ങള്‍ ധരിച്ച ഒരാളുടെ പുറകുവശം കാണിക്കുന്നുണ്ട്. ഇത് മമ്മൂട്ടിയാണെന്നാണ് ആരാധകര്‍ പറയുന്നത്. ട്രെയ്‌ലറില്‍ തന്നെ ഒരാള്‍ സ്‌ട്രെക്ചറില്‍ പിടിച്ചു നില്‍ക്കുന്ന രംഗങ്ങളും കാണാം. ആ സമയത്തും അയാളുടെ മുഖം കാണിക്കുന്നില്ല. ഈ കഥാപാത്രം മമ്മൂട്ടി തന്നെയാണെന്നാണ് ആരാധകര്‍ പറയുന്നത്. നായകനായ ജയറാമിനെ സഹായിക്കാന്‍ എത്തുന്ന ഒരു ഡെവിളിഷ് ക്യാരക്ടറെയാണ് മമ്മൂട്ടി ചിത്രത്തില്‍ അവതരിപ്പിക്കുന്നതെന്നാണ് വിവരം.
അരമണിക്കൂറില്‍ ഏറെ ദൈര്‍ഘ്യമുള്ള അതിഥി വേഷമാണ് മമ്മൂട്ടിയുടേതെന്ന് നേരത്തെ റിപ്പോര്‍ട്ടുകളുണ്ടായിരുന്നു.ട്രെയ്ലര് എത്തിയതോടെ ജയറാം- മമ്മൂട്ടി കോമ്ബിനേഷന്‍ സ്ക്രീനില്‍ കാണാനുള്ള കാത്തിരിപ്പും പ്രേക്ഷകര്‍ക്കിടയില്‍ വര്‍ധിക്കുമെന്ന് ഉറപ്പാണ്. ഒരിടവേളയ്ക്ക് ശേഷം മലയാളത്തില്‍ ജയറാം നായകനായെത്തുമ്ബോള്‍, അദ്ദേഹത്തിന്റെ അഭിനയ ജീവിതത്തിലെ പ്രധാന സിനിമയായി അബ്രഹാം ഓസ്ലര് മാറുമെന്നും പ്രേക്ഷകര്‍ കണക്കുകൂട്ടുന്നുണ്ട്. മാനസികമായി തകര്‍ന്ന ഒരു പൊലീസ് ഉദ്യോഗസ്ഥന്റെ വേഷത്തിലാണ് ജയറാം അഭിനയിക്കുന്നത്.
കുടുംബ സദസ്സുകളുടെ പ്രിയപ്പെട്ട നടനായിരുന്ന ജയറാം രൂപത്തിലും ഭാവത്തിലുമെല്ലാം വലിയ മാറ്റങ്ങളോടെയാണ് ഈ കഥാപാത്രമായി എത്തുന്നത്. ഇത്തരമൊരു ക്രൈം ത്രില്ലര്‍ ചിത്രത്തില്‍ അദ്ദേഹം അഭിനയിക്കുന്നതും ഇതാദ്യമാണ്. ഏറെ ദുരൂഹതകള്‍ നിറഞ്ഞ ഒരു മരണത്തിൻ്റെ അന്വേഷണമാണ് ഡിസിപി അബ്രഹാം ഓസ്ലര് നിര്‍വ്വഹിക്കുന്നത്. ഏറെ നിര്‍ണ്ണായകമായ ചില വഴിത്തിരിവുകളും അപ്രതീക്ഷിതമായ ചില കഥാപാത്രങ്ങളുടെ കടന്നുവരവും പ്രേക്ഷകര്‍ക്ക് വലിയ കൗതുകം നല്‍കുന്നവയായിരിക്കും.അഞ്ചാം പാതിരയ്ക്ക് ശേഷം മിഥുൻ മാനുവല്‍ തോമസ് സംവിധാനം ചെയ്യുന്ന ചിത്രം കൂടിയാണ് എബ്രഹാം ഓസ്ലര്. ത്രില്ലറുകള്‍ ഒരുക്കുന്നതിലുള്ള തന്‍റെ പ്രാവീണ്യം മിഥുന്‍ മാനുവല്‍ തോമസ് വീണ്ടും അടിവരയിടുന്ന ചിത്രമായിരിക്കും ഓസ്ലര് എന്നാണ് ട്രെയിലറില്‍ പറയുന്നത്.
അര്‍ജുൻ അശോകൻ, സൈജു കുറുപ്പ് , ജഗദീഷ്, ദിലീഷ് പോത്തൻ, അനശ്വര രാജൻ, ദര്‍ശന നായര്‍, സെന്തില്‍ കൃഷ്ണ, അര്‍ജുൻ നന്ദകുമാര്‍, അസിം ജമാല്‍, ആര്യ സലിം എന്നിവരാണ് ചിത്രത്തിലെ മറ്റ് പ്രധാന താരങ്ങള്‍. ഡോ. രണ്‍ധീര്‍ കൃഷ്ണനാണ് ചിത്രത്തിന് തിരക്കഥയെഴുതിയിരിക്കുന്നത് മിഥുന്‍ മുകുന്ദന്‍ ആണ് സംഗീതം, ഛായാഗ്രഹണം തേനി ഈശ്വര്‍, എഡിറ്റിങ് ഷമീര്‍ മുഹമ്മദ്. നേരമ്ബോക്ക് ബാനറില്‍ മിഥുന്‍ മാനുവലും ഇര്‍ഷാദ് എം ഹസനും ചേര്‍ന്നാണ് ചിത്രം നിര്‍മിച്ചിരിക്കുന്നത്. ജനുവരി 11 നാണ് ഓസ്ലര് റിലീസ് ചെയ്യുന്നത്
