പൊലീസ് ‘ ON THE WAY ‘..! സമൂഹമാധ്യമങ്ങളിൽ വൈറലായി കോട്ടയത്തെ പൊലീസ് ഉദ്യോഗസ്ഥരും കുടുബാംഗങ്ങളും അഭിനയിച്ച ഹ്രസ്വ ചിത്രം

തേർഡ് ഐ ബ്യൂറോ

കോട്ടയം : സമൂഹമാധ്യമങ്ങളിൽ വൈറലായി ഓൺ ദ് വെ ഹ്രസ്വചിത്രം. ജില്ലാ പൊലീസ് ഡോമിന് വേണ്ടി കോട്ടയത്തെ പൊലീസ് ഉദ്യോഗസ്ഥരും കുടുബാംഗങ്ങളും അഭിനയിച്ച ഹ്രസ്വ ചിത്രം ഇതിനോടകം തന്നെ സമൂഹമാധ്യമങ്ങളിൽ വൈറലായി മാറിയിരിക്കുകയാണ്.

ഒരു ബസിലുണ്ടാകുന്ന സംഭവങ്ങളും ആ സംഭവത്തിലുണ്ടാകുന്ന പൊലീസിന്റെ ഇടപെടലുമാണ് ചിത്രത്തിൽ വളരെ ലളിതമായി ആവിഷ്‌കരിച്ചിരിക്കുന്നത്. ഇതോടൊപ്പം കേരളാ പൊലീസിൽ വനിതാ പൊലീസിന്റെ ശാക്തീകരണത്തെയും എടുത്തുകാണിക്കുന്ന തരത്തിലാണ് ചിത്രീകരിച്ചിരിക്കുന്നത്.

കോട്ടയം ജില്ലയിലെ ഏറ്റവും മനോഹരമായ പ്രദേശമായ കുമരകത്തിന്റെ ഭംഗി മുഴുവനും ചിത്രത്തിൽ അതിമനോഹരമായി കാണിച്ചുതരുന്നുണ്ട് പ്രേക്ഷകർക്ക്.

സിനിമ പ്രൊഡക്ഷൻ കൺട്രോളർ എൽദോ സെൽവരാജ് രചനയും സംവിധാനം നിർവ്വഹിച്ച ചിത്രത്തിന്

റോഷൻ ആൻഡ്രൂസിന്റെ സംവിധാന സഹായി ക്രിസ്റ്റി എഡിറ്റിങ്ങും , സുരജ് ക്യാമറയും നിർവഹിച്ചിരിക്കുന്നു.   രണ്ട് ദിവസങ്ങൾ കൊണ്ട് നിരവധി പേരാണ് ഈ ചിത്രം യൂട്യൂബിലൂടെ കണ്ടത്.