കോവിഡ് ബാധിച്ച് മുൻ ആരോഗ്യ പ്രവർത്തക ജെസി മരിച്ചു

സ്വന്തം ലേഖകൻ

ഗാന്ധി നഗർ: കോവിഡ് ബാധിച്ച് ചികിത്സയിൽ കഴിഞ്ഞിരുന്ന മുൻ ആരോഗ്യ പ്രവർത്തക മരിച്ചു. പൂഞ്ഞാർ പാതാമ്പുഴ കൊന്നയ്ക്ക മലയിൽ ജോണിയുടെ ഭാര്യ, ഈ രാറ്റുപേട്ട പ്രാഥമിക ചികിത്സാ കേന്ദ്രത്തിലെ മുൻ ആരോഗ്യ പ്രവർത്തകയുമായ, ജെസ്സി ജോണി(58)യാണ് മരിച്ചത്.

ശ്വാസം മുട്ടലിനെ തുടർന്ന് നടത്തിയ പരിശോധനയിൽ കോവിഡ് സ്ഥിരീകരിച്ചു.തുടർന്ന് കോട്ടയം ജില്ലാ ആശുപത്രിയിൽ കഴിയുകയായിരുന്നു. തിങ്കളാഴ്ച ഉച്ചകഴിഞ്ഞ് ആരോഗ്യനില മോശമാകുകയും, മെഡിക്കൽ കോളജിൽ പ്രവേശിപ്പിക്കുകയും ചെയ്തു.

ഇന്നലെ(ചൊവ്വാഴ്ച) പുലർച്ചെ 4ന് മരിച്ചു. കോവിഡ് മാനദണ്ഡം പാലിച്ച് പാതാമ്പുഴ മലയിഞ്ചിപ്പാറ, ഹോളി ക്രോസ് പള്ളിയിൽ സംസ്കാരം നടത്തി

മക്കൾ. ജസ്റ്റിൻ, ക്രിസ്റ്റീന