നിയമസഭാ കയ്യാങ്കളി കേസ്; ചെന്നിത്തലക്ക് ത‍ടസ്സ ഹർജി നൽകാനാവില്ലെന്ന് പ്രോ​സി​ക്യൂ​ഷൻ; കേസ് ഈ മാസം 31ലേക്ക് മാറ്റി

സ്വന്തം ലേഖകൻ

തി​രു​വ​ന​ന്ത​പു​രം: നിയമസഭാ കയ്യാങ്കളി കേസ് ഈ മാസം 31ലേക്ക് മാറ്റി. തി​രു​വ​ന​ന്ത​പു​രം സി​ജ​ഐം കോ​ട​തി​യാ​ണ് ഹ​ർ​ജി പ​രി​ഗ​ണി​ക്കു​ന്ന​ത്.
കേസ് പരിഗണിച്ചപ്പോൾ വിടുതൽ ഹർ‍ജിയിൽ വാദം കേൾക്കണമെന്ന് പ്രതികളുടെ അഭിഭാഷകർ ആവശ്യപ്പെട്ടു.

പ്രതികൾ നൽകിയ വിടുതൽ ഹർജിയും രമേശ് ചെന്നിത്തലയുടെ ത‍ടസ്സ ഹർജിക്കായുള്ള അപേക്ഷയുമാണ് 31ന് പരിഗണിക്കുന്നത്. അ​തേ​സ​മ​യം കേ​സി​ൽ ക​ക്ഷി ചേ​രാ​ൻ ര​മേ​ശ് ചെ​ന്നി​ത്ത​ല എം​എ​ൽ​എ അ​പേ​ക്ഷ ന​ൽ​കി.

എന്നാൽ കേ​സി​ൽ ചെ​ന്നി​ത്ത​ല​യ്ക്ക് ക​ക്ഷി ചേ​രാ​ൻ ക​ഴി​യി​ല്ലെ​ന്നാ​ണ് പ്രോ​സി​ക്യൂ​ഷ​ൻറെ അ​വ​കാ​ശ​വാ​ദം.

സുപ്രീംകോടതിവരെ രമേശ് ചെന്നിത്തലയുടെ വാദങ്ങൾ കേട്ടതാണെന്നും തടസ്സ ഹർജി പരിഗണിക്കണമെന്നും രമേശ് ചെന്നിത്തലയുടെ അഭിഭാഷകൻ കോടതിയിൽ വാദിച്ചു.

2015 മാ​ർ​ച്ചി​ൽ ബ​ജ​റ്റ് അ​വ​ത​ര​ണ​ത്തി​നി​ടെ ധ​ന​മ​ന്ത്രി കെ.​എം.​മാ​ണി​യെ ത​ട​യാ​ൻ ശ്ര​മി​ച്ച​തു​മാ​യി ബ​ന്ധ​പ്പെ​ട്ട് നി​യ​മ​സ​ഭ​യി​ലു​ണ്ടാ​യ സം​ഘ​ർ​ഷ​മാ​ണ് കേ​സി​ന് കാ​ര​ണം.

മ​ന്ത്രി വി.​ശി​വ​ൻ​കു​ട്ടി, കെ.​ടി.​ജ​ലീ​ൽ എം​എ​ൽ​എ, മു​ൻ​മ​ന്ത്രി ഇ.​പി.​ജ​യ​രാ​ൻ, കെ.​അ​ജി​ത്ത്, കെ.​കു​ഞ്ഞ​ഹ​മ്മ​ദ് മാ​സ്റ്റ​ർ, സി.​കെ.​സ​ദാ​ശി​വ​ൻ എ​ന്നി​വ​ർ​ക്കെ​തി​രേ​യാ​ണ് കേ​സ്.

കേ​സ് റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് അ​ടു​ത്തി​ടെ സ​ർ​ക്കാ​ർ സു​പ്രീം​കോ​ട​തി​യെ സ​മീ​പി​ച്ചെ​ങ്കി​ലും രൂ​ക്ഷ​വി​മ​ർ​ശ​നം നേ​രി​ടേ​ണ്ടി വ​ന്നി​രു​ന്നു. പ്ര​തി​ക​ളെ​ല്ലാം വി​ചാ​ര​ണ നേ​രി​ട​ണ​മെ​ന്ന ഉ​ത്ത​ര​വും സു​പ്രീം​കോ​ട​തി പു​റ​പ്പെ​ടു​വി​ച്ചി​രു​ന്നു.