എൻ സി പി കോട്ടയം ജില്ലാ കൺവൻഷൻ ; ജനാധിപത്യവും അഴിമതി രഹിത രാഷ്ട്ര നിർമ്മിതിയുമാണ് എൻ സി പി യുടെ മുഖമുദ്രയെന്ന് ദേശീയ ജനറൽ സെക്രട്ടറി എൻ എ മുഹമ്മദ് കുട്ടി

സ്വന്തം ലേഖകൻ

ഏറ്റുമാനൂർ : ജനാധിപത്യവും അഴിമതി രഹിത രാഷ്ട്ര നിർമ്മിതിയുമാണ് എൻ സി പി യുടെ മുഖമുദ്രയെന്ന് ദേശീയ ജനറൽ സെക്രട്ടറി എൻ എ മുഹമ്മദ് കുട്ടി പറഞ്ഞു.എൻ സി പി
കോട്ടയം ജില്ലാ കൺവൻഷൻ ഏറ്റുമാനൂരിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ഇടതുപക്ഷ ജനാധിപത്യ മുന്നണിയെ ശക്തിപ്പെടുത്തന്നതിനു വേണ്ടി ജാഗ്രതയോടെ പ്രവർത്തിക്കണമെന്നും എൻ എ മുഹമ്മദ്കുട്ടി പറഞ്ഞു. നവംബർ 24 നു തൃശൂരിൽ നടക്കുന്ന സംസ്ഥാന സമ്മേളനം വിജയിപ്പിക്കാനും കൺ വർഷൻ തീരുമാനിച്ചു.

ജില്ലാ വർക്കിംഗ് പ്രസിഡൻറ് മുരളി തകടിയേൽ അദ്ധ്യക്ഷത വഹിച്ചു. സംസ്ഥാന കോർഡിനേറ്റർ റോയി വാരിക്കാട്ട് മുഖ്യപ്രഭാഷണം നടത്തി. സംസ്ഥാന ജില്ലാ ഭാരവാഹികളായ കെ കെ ഷംസുദീൻ, രാജേഷ് നട്ടാശേരി, അഡ്വ ഷാജി തെങ്ങുംപ്പള്ളിൽ, സി എം ജലീൽ , സാബു മത്തായി, നാസർ ജമാൽ , ബിജോ ജെയിംസ്സ് എന്നിവർ പ്രസംഗിച്ചു.