കോട്ടയം: വിദ്യാലയ മുറ്റത്ത് വീണ്ടും പൂക്കാലം . സംസ്ഥാനത്ത് സ്കൂളുകൾ നാളെ തുറക്കും. ജില്ലയില് വിദ്യാഭ്യാസവകുപ്പിനു കീഴിലുള്ള സ്കൂളുകളില് ഈ വര്ഷം ഒന്നാം ക്ലാസിലേക്കു പ്രവേശനം നേടിയത് 8010 കുട്ടികള്.
ശനിയാഴ്ച വരെയുള്ള കണക്കാണിത്. ഏറ്റവും കൂടുതല്. കുട്ടികള് ഒന്നാം ക്ലാസിലേക്ക് പ്രവേശനം നേടിയത് ഈരാറ്റുപേട്ട ഗവണ്മെന്റ് എം.എല്.പി സ്കൂളിലാണ്(145 കുട്ടികള്). ആറാം പ്രവൃത്തി ദിനം വരെ പ്രവേശനം നേടാനാകുമെന്നതിനാല് പ്രവേശന നിരക്ക് കൂടുമെന്നാണു വിദ്യാഭ്യാസ വകുപ്പധികൃതരുടെ പ്രതീക്ഷ.
ജില്ലയില് പഠന നിലവാരം ഉയര്ത്തുന്നതിന്റെ ഭാഗമായി വിവിധ അക്കാദമിക പദ്ധതികളും വിദ്യാഭ്യാസ വകുപ്പ് ഈ വര്ഷം നടപ്പിലാക്കും. പ്രതിഭാധനരായ കുട്ടികള്ക്കായി ഗിഫ്റ്റഡ് ചില്ഡ്രന് പ്രോഗ്രാം, ട്രൈബല് വിദ്യാര്ഥികള് ( ഇരുപതി ല് കൂടുതല് കുട്ടികള്)ഉള്ള വിദ്യാലയങ്ങള്ക്കായി പ്രത്യേക എന്റിച്ച്മെന്റ് പ്രോഗ്രാം, പ്രൈമറി വിദ്യാലയങ്ങളിലെ പ്രതിഭാധനരായ കുട്ടികള്ക്കായി ലിറ്റില് മാസേ്റ്റഴ്സ് പ്രോഗ്രാം, പഠനനിലവാരത്തില് പിറകില് നില്ക്കുന്ന കുട്ടികളെ ഉയര്ത്തികൊണ്ടുവരാനായി ശ്രദ്ധ, സമഗ്ര ഗുണമേന്മ
വിദ്യാഭ്യാസ പദ്ധതി, അതിഥി തൊഴിലാളികളുടെ മക്കള്ക്കായി നമുക്കൊന്നിച്ചു പഠിക്കാം പ്രത്യേക വിദ്യാഭ്യാസ പദ്ധതി, സര്ക്കാര് വിദ്യാലയങ്ങളിലെ കുട്ടികളുടെ ഇംഗ്ലീഷ് പരിജ്ഞാനം വര്ധിപ്പിക്കുന്നതിനായി ഇംഗ്ലീഷ് ലാംഗ്വേജ് എന്റിച്ച്മെന്റ് പ്രോഗ്രാം, കൗമാര പ്രശ്നങ്ങളെ നേരിടാനായി കൗമാര വിദ്യാഭ്യാസ പദ്ധതി, ടീന്സ് ക്ലബ്, വിവിധ അധ്യാപക പരിശീലന പരിപാടികള്, ഭിന്നശേഷി സൗഹൃദ വിദ്യാലയങ്ങള്, മോഡല് ഇന്ക്ലൂസീവ് സ്കൂളുകള്, സ്കൂള് സോഷ്യല് സര്വീസ് സ്കീം, ഇന്സ്പെയര് എന്നിങ്ങനെ വിവിധ പദ്ധതികളും ഈ വര്ഷം നടപ്പാക്കുന്നുണ്ട്. കൂടാതെ തദ്ദേശ സ്വയംഭരണ സ്ഥാപനങ്ങളുടെ വാര്ഷിക പദ്ധതിയില് ഉള്പ്പെടുത്തിയും വിവിധ പദ്ധതികള് ഈ വര്ഷം നടപ്പാക്കും.
Whatsapp Group 1 | Whatsapp Group 2 |Telegram Group
പ്രവേശനോത്സവത്തിന് ജില്ലാതല ഉദ്ഘാടനം
ജൂണ് ഒന്നിന് കോട്ടയം എം.ഡി. സെമിനാരി ഹയര് സെക്കന്ഡറി സ്കൂളില് നടക്കും. രാവിലെ 9.30ന് നടക്കുന്ന ചടങ്ങില് നിയമസഭാ സ്പീക്കര് തിരുവഞ്ചൂര് രാധാകൃഷ്ണന് പ്രവേശനോത്സവം ഉദ്ഘാടനം ചെയ്യും. മന്ത്രി മോന്സ് ജോസഫ് അധ്യക്ഷത വഹിക്കും. ഫ്രാന്സീസ് ജോര്ജ് എം.പി. മുഖ്യ പ്രഭാഷണം നടത്തും. എം.എല്.എമാരായ ചാണ്ടി ഉമ്മന്, മാണി സി. കാപ്പന്, കെ. ബിനിമോന്, നാട്ടകം സുരേഷ്, വിനു ജോബ്
കുഴിമണ്ണില്, റോണി കെ.ബേബി, എം.ജെ. സെബാസ്റ്റ്യന്, ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ്, ജില്ലാ കളക്ടര് ചേതന്കുമാര് മീണ, നഗരസഭാ അധ്യക്ഷന് എം.പി. സന്തോഷ്കുമാര്, ജില്ലാ പഞ്ചായത്ത് വിദ്യാഭ്യാസ സ്ഥിരം സമിതി അധ്യക്ഷന് പി.കെ.വൈശാഖ്, മുനിസിപ്പല് കൗണ്സിലര്മാരായ ബിന്സി സെബാസ്റ്റ്യന്, എസ്. ഗോപകുമാര്, വിദ്യാഭ്യാസ ഉപഡയറക്ടര് ഹണി ജി. അലക്സാണ്ടര് എന്നിവര് പങ്കെടുക്കും
