വിവാഹാഘോഷത്തിനിടെ വാഹനത്തിൽ യുവാക്കളുടെ അതിരുവിട്ട അഭ്യാസ പ്രകടനം; ഒമ്പത് വാഹനങ്ങൾക്കും ഡ്രൈവർമാർക്കുമെതിരെ നടപടിയുമായി മോട്ടർ വാഹന വകുപ്പ്; ഡ്രൈവർമാരുടെ ലൈസൻസ് സസ്പെൻഡ് ചെയ്തു; ഡ്രൈവിങ്ങ് പരിശീലന ക്ലാസ്സിന് ഹാജരാവാനും നിർദേശം

മലപ്പുറം: വാഹനത്തിലുള്ള യുവാക്കളുടെ അതിരുവിട്ട അഭ്യാസ പ്രകടനത്തിൽ നടപടിയുമായി മോട്ടർ വാഹന വകുപ്പ്. ഒമ്പത് വാഹനങ്ങൾക്കും ഡ്രൈവർമാർക്കുമെതിരെയാണ് നടപടിയെടുത്തത്.

ഡ്രൈവർമാരുടെ ലൈസൻസ് സസ്പെൻഡ് ചെയ്തിട്ടുണ്ട്. സുരക്ഷിതമായ ഡ്രൈവിങ്ങിന് പരിശീലന ക്ലാസ്സിന് ഹാജരാവാനുള്ള നിർദ്ദേശവും നൽകിയിട്ടുണ്ട്.

ഫെബ്രുവരി രണ്ടിന് മലപ്പുറം തിരൂർ പറവണ്ണയിലെ ഒരു വിവാഹാഘോഷത്തിനിടെയാണ് യുവാക്കളുടെ കൈവിട്ടകളി.

വാഹനത്തിന്റെ മുകളിലും ഡോറിന്റെ മുകളിലും കയറി ഇരുന്ന് അത്യന്തം അപകടകരമായ രീതിലായിരുന്നു അഭ്യാസപ്രകടനം. സംഭവത്തിന്റെ ദൃശ്യങ്ങൾ സോഷ്യൽമീഡിയയിൽ വ്യാപകമായി പ്രചരിച്ചിരുന്നു.